Oficina di Turismo (A.T.A.) actualmente ta conduciendo un encuesta enfoca riba sentimento di comunidad pa loke ta trata industria turistico pa loke nan ta encurasha comunidad di Aruba pa por duna nan opinion tocante e topico aki.
Laga Bo Voz Resona ta e nomber di e encuesta aki dirigi pa hendenan local di Aruba manera nan ta sigura caminda lo explora con turismo ta causa impacto tanto na e isla como den hende, sea directamente of indirectamente.
Oportunidad pa cumpli cu e encuesta:
– Online via link: https://aruba.qualtrics.com/jfe/form/SV_3W73JjwN5hcgiWy
– 17 di maart 2024 – 7pm pa 10pm: Riba Plaza Betico Croes durante manifestacion cultural (Tent di A.T.A.)
– 18 di maart 2024 – parti mainta/ merdia: Centro di Bario Brazil, Museum of Industry San Nicolas, Centro di Bario Savaneta, Museo Arkeologico Oranjestad.
E resultado lo sirbi como parti di e strategia di A.T.A. y como un conseho na diferente stakeholders den e industria.
Na october di aña pasa, ATA tambe a realisa un encuesta amplio pa evalua e sentimento di bishitantenan, encuesta tabatin como meta pa midi e sentimento di bishitantenan, y tambe pa obtene un miho bista tocante nan experencia riba e isla y si esaki tabata cuadra cu nan expectativa.
Studiantenan di Universidad di Aruba a acerca un total di 1500 turista di pa participa den e encuesta cu a tuma luga na 14 diferente sitio y punto di atraccion rond di nos isla, entre otro na California Lighthouse, Alto Vista, Bushiribana, Casibari, Ayo Rock Formation, Quadirikiri, Fontein y na diferente di e beachnan, e encuesta a conclui dia 13 di november y e resultadonan a keda publica den luna di december ultimo.
E tempo ey, segun a informa un di e metanan principal di e estudio aki tabata pa comprende con un multitud di hende por influencia of afecta e experiencia di bishitante. Bishitantenan a haya preguntanan tocante nan percepcion di y sentimento pa cu cierto cantidad di multitud y con esaki ta influencia nan experencia na e sitio.
