Ta mas cu claro cu e impacto di mas grandi cu ta afecta resultadonan di mei 2016 ta esun di e bishitantenan Venezolano di cual cantidad den aña 2015 tabata uno ‘infla’, cual no ta e caso mas den e ultimo dos lunanan e aña aki. E fenomeno di ‘raspacupos’ cu a trece un cantidad di bishitantenan mas di lo normal ya no ta parti di esnan cu ta bishita mas. E tipo di bishitantenan akia baha considerablemente debi na regulacionnan nobo cu gobierno Venezolano a implementa. ‘Raspacupos’ tabata bishita y haci uzo di diferente servicio, haci compra di diferente articulo, peroprimordialmente tabata bishita pa haña acceso na e Dollar Mericano pa asina regresa cas cu esaki y bende esaki y haci ganashi. Venezolanonan cu antes tabata depende di esaki awo tin otromaneranan pa yega na ingreso. Ta anticipa cu bahada di cantidad di Venezolanonan cu ta bishita pa motibo menciona aki riba lo continua pa restante di e aña aki. Por bisa cu e mercado di Venezuela lo regresa na su normalidad gradualmente. Esaki ta di spera, aunke cu situacion den e mercado ta dificil cu mas y mas emigracion di Venezolanonan for di pais bisiña. A.T.A. a bin ta pone mas enfasis riba diversificacion di mercadonan y riba atraccion di e Venezolanonan di perfil desea cu aemigra entre otra na Merca.
