ORANJESTAD – Ayera mainta CATA 2016 a sigui su actividad na Paseo Herencia, unda como forma di innovacion durante e ultimo 27 aña di existencia di e conferencia anual aki a wordo presenta un video interesante tocante comportacion di diferente mercado na Latino America y cambionan cu nos producto turistico a conoce durante e ultimo añanan.
Den un lenguahe audio visual, ATA a trece cifranan, pero tambe a ilustra riba e bunitesa di nos isla y locual Aruba tin di ofrece na nan bishitantenan. Directora di ATA, sra. RonellaTjin-Asjon-Croes a declara na Bon Dia Aruba cu un di e tareanan mas dificil ta e benta di un destino turistico, ya cu ta algo no tangibel, y tin biaha nan ta mercadonan cu no a tende di Aruba.
ATA su deseo ta pa nos producto turistico resalta den Caribespecialmente ora cu pa ehempel un potencial turista ta considera e opcion di disfruta di un vakantie di playa. Pa haci e ofrecemento di nos producto mas atractivo visualmente, ATA ta bin haciendo hopi uzo di recurso audio visualconsiderando e tendencia di awendia riba e tereno di mercadeo.“Nos ta haci hopi uzo di videonan riba social media” , el a bisa.
Presentacion
Ayera e echo cu ATA a haci e presentacion habitual di e tendencia di e mercado Latino den e forma di video, director di ATA a bisa cu esaki ta un esfuerso nobo di ATA di purba innova. Nan kier a brinda e participantenan di CATA y tambe nan socionan, ideanan diferente.
E ta haya cu e echo cu nan a haci nan presentacion diferente den forma di audiovisual a haci cu nan a logra nan meta. Pasobra presentando Aruba su resultadonan den cifra, programanan nobo, eventonan nobo y desaroyonan nobo pa loke ta trata producto Aruba pa medio di un video, ta crea un impacto mas masivo.
“No solamente bo ta dunando presentacion y bo ta uzando imagen pa back-up loke bo ta bisando, pero no ta trece mas emocion pasobra e ta video”, el a bisa. E ta considera einstrumento aki hopi poderoso no solamente den seno di CATA pa promocion di Aruba mes, pero internacionalmente tambe. Ya cu e ta considera cu un video ta papia hopi mas… y nan ta pasa entrevista cu personanan cu ta clave den turismo incluyendo AHATA, Tripel A y otro socionan.
E biaha aki ATA a invita como su orador principal, ProfesorCarlos Rosales kende a papia di “Felicidad como herment pa genera benta”. El a haci su presentacion masha ameno unda el a interactua cu e participantenan di CATA 2016. Sr. Rosales ta facilitado certificado y un academico di post-grado di Universidad Metropolitano Y Catolico Andres Bello di Caracas. Ademas e ta coordinador academico y coordinador di e diploma di benta di pre-marketing di empresa Polar.
Den cuadro di CATA 2016, ATA a reconoce esfuerso cu su directora di ATA-Colombia, sra. Maria Victoria Galan ta bin haciendo durante 20 aña pa promove y bende e producto Aruba na Colombia.
.jpg "Pa locual ta trato na nos turistanan Un solo caso riba su mes por haci daño na nos economia")
