FILE - This Feb. 22, 2019, file image released by the Japan Aerospace Exploration Agency (JAXA) shows the shadow, center above, of the Hayabusa2 spacecraft after its successful touchdown on the asteroid Ryugu. Japan’s space agency JAXA said Thursday, July 11, 2019 that data transmitted from the Hayabusa2 indicated its second successful touchdown on the distant asteroid to complete a historic mission - to collect underground samples in hopes of finding clues to the origin of the solar system. (JAXA via AP, File)

Un astronave Hapones a aterisa riba un asteroide distante ayera, y a colecta muestranan bou superficie, cual cientificonan ta spera lo duna algun pista tocante e origen di Sistema Solar biyonnan di aña atras, segun e Agencia Espacial Hapones.

E nave Hayabusa2 a crea un crater pa aterisahe riba e asteroide di piedra na april, door di tira un ‘impactor’ di koper. E nave a aterisa den e crater ey ayera, y a colecta muestranan cu cientificonan ta kere ta contene data valioso cu no ta afecta pa radiacion espacial y otro factornan ambiental.

Hayabusa2 ta e prome astronave espacial pa colecta exitosamente muestranan bou superficie di un asteroide. Un mision similar ta planea pa NASA riba otro asteroide, Bennu.

E Agencia di Exploracion Aerospacial di Hapon, conoci como JAXA, a bisa cu data ta mustra cu Hayabusa2 a aterisa y despega di forma sigur despues di colecta e muestranan. E momento cu a anuncia e exito den e centro di comando, tur hende a lanta para y aplaudi.

JAXA a bisa cu e muestranan a wordo poni di forma sigur den un container, cu lo pone den un capsula pa e ta warda sigur.

“Nos a obtene piesanan di e historia di sistema solar. Nos a tuma un stap historico”, segun Yuichi Tsuda, manager di e proyecto Hayabusa2. “Niun hende a colecta y trece bek material bou superficie di niun luga mas leu cu luna.”

Asteroidenan ta restonan di piedra cu a keda atras for di e formacion di Sistema Solar.

Cu un di su misionnan mas critico awo finalisa, e proximo tarea ta pa trece Hayabusa2 bek na Tera cu e muestranan, Tsuda a bisa.

E asteroide, yama Ryugu, pa e palacio di dragon bou awa den un leyenda Hapones, ta como 300 miyon kilometer leu di Tera. Hayabusa2 ta prepara pa bandona e asteroide mas laat e aña aki y yega Tera na cuminsamento di proximo aña.

E asteroide, como 900m di diameter, ta yena cu piedra riba superficie y tin señal di componentenan organico, cientificonan ta bisa. Hayabusa2 a haci un aterisahe similar den otro sitio y a colecta muestranan di e superficie.

Cientifico di JAXA, Seiichiro Watanabe a bisa cu e exito di ayera ta significante pa siña tocante e asteroide, pasobra muestranan tuma di dos diferente sitio y na diferente profundidad por compara. Imagennan inicial transmiti for di Hayabusa2 ta mustra pidanan di muestra cu diferente tamaño y color, un muestra di diversidad hasta riba un asteroide minusculo, el a bisa.