Ayera, hues Britanico a sentencia e fundado di WikiLeaks, Julian Assange, pa 50 siman den prizon pasobra el a skip cargo 7 aña pasa y a permanece keda den embahada di Londres na Ecuador.
Deborah Taylor, e hues, no a mustra impresiona pa e disculpa di Assange. E argumento di su abogado, cu el a busca refugio na embahada pa motibo di temor cu na Suecia, e lo a enfrenta acusacion di conducta sexual inapropia, y na Merca pa cargo relaciona cu actividad di WikiLeaks.
“Ta esencial pa imperio di e ley cu ningun hende ta riba of afo di alcance di ley. Mester obedece e orden di corte”, Taylor a bisa. Assange tabata biba den e embahada di e pais sur Americano na Londres for di 2012.
El a wordo aresta riba dia 11 di april, despues cu Ecuador a kita su asilo politico, pa acusacion di tur cos. Assange ta enfrenta un audiencia hudicial na Merca. Taylor a bisa cu 7 aña di Assange na embahada a costa pueblo Britanico 21 miyon dollar pa retrasa husticia.
“Mi a haya mi mes ta lucha conta circunstancia terorifico cu ni ami, ni nan kende a pidi conseho, por a haya un remedi. Mi a haci locual mi a haya tabata lo miho, y kisas lo unico cu mi por a haci”, segun e frase di Assange cu a wordo lesa na corte.
Editor di WikiLeaks, Kristinn Hrafnsson, a bisa despues di sentencia cu awo e bataya di extradicion cu Merca ta e ‘gran pelea’ cu Assange ta enfrenta, y ‘ta un cuestion di bida of morto pa sr. Assange’.
