Fundador di Wikileaks, Julian Assange ta disponibel pa bay Merca, cu obhetivo di asumi delito na su contra, si husticia por garantisa su derecho”, Assange a skirbi riba su sitio web.
E afirmacion a sali despues cu presidente di Merca Barack Obama, a disminui e castigo contra Chelsea Manning, ken tabata cumpli condena di 35 aña di prizon pa delito di transmiti mas di 700 mil documento confidencial riba website. Te na e momento aki Chelsea a cumpli 7 aña so di su condena y dia 17 di mei e ta keda liber.
E siman cu a pasa, Assange a bisa cu e ta dispuesto di bandona embahada di Ecuador na London, luga unda e ta refugia desde 2012, y asina por biaha pa Merca si e pais aki lo acepta di laga Manning liber.
