(NLTimes) – E asociacion di doñonan di cas ta enfrentando desafio specialmente den nan esfuerso pa haci casnan na Hulanda mas sostenibel, segun NOS.
Esaki ta parcialmente pa causa di e structura di e casnan parti di e asociacion, unda cu tin un responsabilidad comparti di e residentenan pa vota y implementa cambionan.
Pa dicidi riba un mehoracion normal di un edificio cu e asociacion en cuestion, mester tin por lo menos 50 porciento plus 1 voto pa mayoria. Sinembargo, pa decisionnan tocante sostenibilidad, dos tercer parti di e miembronan mester participa den e reunion y vota na fabor di e cambio. Ademas di e obstaculo aki, varios residente tin falta di e recurso pa por cubri e gastonan di e mehoracion sostenibel y subsidionan ta hopi limita, NOS a reporta.
“Bo mester paga pa tur cos hunto, y ehecuta esaki hunto tambe,” Kees Oomen di VvE Belang association a conta NOS. “Esaki ‘hunto’ ta haci e situacion complica.”
E gastonan di energia halto tambe ta haci dificil pa e residentenan por financia e medidanan di sostenibilidad, segun NOS. Esaki ta apesar di e hecho cu varios di e medidanan aki por baha e costo di energia den futuro. Na e reunion, “por tin persona cu ta grita ‘bo ta bay tuma un decision aki awe si mi por keda kinan of no,” Michel Kerpel, director di maneho di e agencia FOCUS Vastgoed.
Den Oomen su opinion, e medidanan di sostenibilidad mester ser trata como mehoracion normal y rekeri solamente un mayoria di 50 porciento plus un voto. Sinembargo, esaki por laga atras algun residente cu no por cubri e costonan mas halto aki. Expertonan tambe a bisa NOS cu gobierno mester haci e skema di subsidio y prestamo mas accesibel pa e asociacionnan aki.
