Haciendo uso di ekipo di proteccion personal contra coronavirus no ta nifica cu mester perde estilo. Asina Lady Gaga a demostra, kende a presumi su mondkapje ros riba su cuenta di Instagram.
Diaranson ultimo, Gaga a reparti su album mas recien, Chromatic, na tiendanan di disco. E cantante a saca potret den un trailer cu portada di su album. “Entregando #Chromatica na tur retailer di mundo… den Chromatica tempo y distancia no ta existi”, el a bisa riba Instagram.
Algun fanatico a señala nan deseo di tin un mondkapje similar na esun di Gaga, pero no ta na benta.
No obstante, diseñador Michael Ngo tin un mondkapje similar, unicamente sin e logo di Gaga. E mondkapje tin costo di $150. Segun e pagina, tur ganashi lo ser duna na banco di cuminda di Los Angeles. Mientras tanto, Ngo a mustra su emocion riba Instagram, unda a describi e momento den cual su idolo a bisti un di su prendanan como algo increibel. “Gaga a salba mi bida y a libera mi espiritu creativo.”
Como parti promocional di s u album nobo, e cantante di 34 aña a estrena diahuebs ultimo ‘Sour Candy’, cu e ta canta hunto cu e grupo di kpop BlackPink, y cu ta forma parti di e elenco di cantica di e di seis album di studio. E cantica ta join e single actual di e album, ‘Rain On Me’, den cual Gaga ta canta hunto cu Ariana Grande y cu ya a converti den e debut mas grandi di Spotify na 2020, alcansando number 1 den lista mundial y e famoso plataforma di cantica na Merca.
Tambe a alcansa e prome luga riba lista di iTunes na 29 pais y riba lista global di Apple, ademas di establece un record cu e mayor cantidad di ‘sream’ den un solo dia di un colaboracion exclusivamente femenino den historia di Spotify. E video, lansa diabierna, a supera 53 miyon bista.
‘Sour Candy’ y ‘Rain On Me’ no lo ta e unico colaboracion di e cantante, ya cu tambe el a invita Elton John pa participa den e album. Esaki a bira disponibel for di ayera mey anochi, despues di un espera largo pa e atraso cu a sufri pa motibo di e pandemia.
