Rafael Uribe Noguera, arkitecto Colombiano di 38 aña, acusa di secuestro, violacion y homicidio di un mucha muhe Colombiano (Yuliana Samboní) di 8 aña, a haci cu e mucha muhe hopi movemento, cu Fiscalia a Tuma como prueba y cu lo bay presenta den huicio, cu por condena Uribe na mas di 50 aña di prizon.

 

Segun diario El Tiempo, cu a revisa e acusacion di Fiscalia di Colombia, Uribe Noguera a usa su victima den un ritual macabro, por ta cu e ritual no tabata e prome biaha cu Rafael a participa den cos similar, investigacion ta mustra.

 

Durante e investigacion, e ekipo encarga di haci un inspeccion na e lugar a haya varios carson femenino diferente di e paña, cu e mucha muhe Samboni tabata usa.

Nan a haya tambe un strik cu un moño na e curpa di e menor”. E investigacion cu a ser finalisa den 12 dia, ta bisa cu cerca di 10:30 di dia 4 di december, Rafael Uribe Noguera a pidi na un comercio den vecindario un pedido pa entrega na cas, un lighter, cigaria y un boter di azeta, cu el a ricibi na porta di su apartamento 603 di edificio Equus 66.

Autoridadnan a bisa cu e curpa di Yuliana a ser hunta cu azeta, cu obhetivo di elimina fingerprint di e curpa di e mucha. Di otra banda Francisco Uribe, ruman di Rafael a menciona cu tabata un comportamiento normal di Rafael, ora e ta usa droga y alcohol.

 

“E berdad ta cu nos tabata biba cu e situacion aki hopi tempo caba. Mi no sa pakico Rafael tabata usa azeta, pero mi ruman ora cu e tabata bebe hopi alcohol y usa droga semper tabata hunta azeta riba su curpa. El semper a daña cos, manera paña etc. y e actitud aki, a genera rabia tur biaha den nos famia. Pa motibo di e conducta straño di banda di Rafael, nos parientenan a purba semper di bin cu mi ruman pa reunion di alcoholico, sikiatra, sicologo, pero Rafael nunca a sigui nunca e tratamento,” Francisco Uribe a bisa.

 

Fiscalia a haya cu e boter di azeta cu Rafael a manda cumpra na pacus, ta e azeta cu nan a haya riba e curpa di Yuliana.

Rafael Uribe noguera no a resisti e culpa di e crimen di Yuliana y a dicidi pa papia cu su ruman Francisco. Na momento cu nan tabata bayendo na taxi el a confesa cu a mata e mucha muhe, pasobra el a risisti pa e atake sexual.

 

Awor Francisco y Catalina, ruman di Rafael ta bou e wowo di horcan. Na momento di interogatorio cu e Fiscalia nan a bisa, cu nan nunca a mira e curpa do Yuliana. Autoridad a purba pa haya sa pakico e ruman di Rafael no a duna inmediatamente informacion pa autoridadnan, ora cu el a sa di su ruman y su vehiculo. Diario el Tiempo a publica.