David McGreavy, 65, ta un persona hopi enfermo cu tabata haci hopi cos straño cu su victima nan.
E asesino a mata Paul Ralph di 4 aña, su ruman muhe nan Dawn, 2, y Samantha di 9 aña den 1973 mientras e tabata cuida e mucha nan pa e mayornan. Aworaki ta informa cu e ta preparando pa bay den
libertad di HMP Warren Hill, den Suffolk, via un programa cu ta fuera di e prison.
McGreavy tabata yama e ”Monster di Worcester” despues cu a haya e mucha nan baña na sanger y polis a descubri e curpa nan di e mucha nan ta colga riba e cura nan di hero di e bisiña.
E la haya bida den prison, cu un minimo di 20 aña. ”Pa locual e la haci e no mester sali pa e resto di su bida pero si nan ta bay lage den libertad, e publico tin derecho di sa unda e ta bay ta” , fuente ta informa. ”E ta den un prison categoria C, y basicamente esaki kemen cu hende por pasa categoria D – caminda nan ta wordo libera for di un prison mas peligroso pa uno mas habri” , e fuente ta bisa.
”Nan mester ta satisfecho cu un persona por wordo trata cune den un manera mas sigur den e comunidad prome cu nan pensa di dune libertad” , vocero di ministerio di husticia ta splica.
Por lesa mas aki: NEWS . AU
