(ElTiempo) – Den un acto di crueldad sin precedente, Mexico a reacciona despues cu a reporta un caso nobo di asesinato di un cacho, e acto di maldad a genera indignacion y a ser rechasa na tur e pais. E incidente a sucede na Xochimilco y a laga e comunidad local y amantenan di bestia den estado di shock.
Loke mas ta indigna e habitantenan, ta cu esaki ta uni na un masacre cu ta sosodiendo for di juli 2023, na unda ya caba a haya 23 cacho tortura violentamente den mesun area menciona. Segun informe di autoridadnan local, e persona responsabel di e acto aki no a ser identifica, pero ta presumi cu ta trata di un individuo cu señalnan di crueldad y falta di empatia pa bestianan.
Bisiñanan ta pidi y ta exigi pa tuma medidanan firme pa resolve ken ta e persona cu ta tras di e posibel asesino serial di bestianan.
Ta hopi e reaccion pa e evento horibel aki riba rednan social, manera riba e red social “X” cu a inunda di mensahenan di indignacion y solicitud di husticia cu hashtag #JusticiaParaNuestrosPerros. Organisacionnan di derechonan di bestianan a convoca na protestanan y a yama autoridadnan pa investiga na fondo e caso aki y castiga e responsabel cu tur e peso di ley.
Na Mexico maltrato pa bestia ta ser castiga segun Ley General di Bienestar Familiar crea na 2017, cu ta establece proteccion y trato digno pa bestianan na e pais. E ley aki ta busca preveni y sanciona maltrato, abuso y sufrimento innecesario di bestianan.
E penalidad pa maltrato di bestia ta varia segun e delito y e circunstancianan specifico di e caso, e sancion por inclui multanan economico, trabou comunitario, confiscacion di e bestia maltrata y den casonan extremo, prison pa e responsabel.
Sinembargo, a pesar di existencia di e ley aki, aplicacion y cumplimento di nan por ta desafionan den algun casonan debi na falta di recursonan, infrastructura y consenshi publico riba e importancia di protege e bestianan.
