Na januari e caso di tiramento fatal na Wayaca cu a sosode riba 13 september 2016 a bay pro forma. Awe e caso a bin den corte atrobe den un otro tipo di pro forma pa bin cu tur documento hunto cu tabata falta y dicidi riba un fecha pa tratamento completo, cual a bira riba 13 di october 2017.
Diabierna mainta tabata tin un asina yama ‘regiezitting’, cu kiermen cu no a trata e caso profundo. Pero esaki ta un ocasion pa fiscal y defensa haci ultimo palabracionnan cu cosnan cu falta di haci ainda (investigacion, documentonan etc.). E ta parce un tipo di pro forma anto e sospechosonan tabata presente. Ultimo cu nos a compronde for di abogado Chris Lejuez, na defensa di sospechoso Steve Fan: “E file ta basta grandi anto ta tuma basta tempo pa analisa.”
Ambos sospechoso deteni ta wordo acusa di asesinato cu nan a haci conhuntamente cu a causa morto di dama nacionalidad Chines S.S.K.F. door di un tiro den cabes. Ademas di esey, sospechoso Steve Fan ta wordo acusa tambe como complice den comete e mesun actonan aki.
