Restonan di substancia carcinogenico asbestos a ser haya den makeup ‘My Cheek Palette Blush’ di perfumeria Douglas y ‘B.A.E. loose powder foundation 2nd skin’ di cadena minorista Heman, segun EenVandaag a reporta.
EenVandaag y e centro di experticio di asbestos ECAV a test varios marca di makeup buscando pa asbestos. Ora e dos producto di Hema y Douglas a test positivo pa e carcinogenico, Hema a bisa cu a test dos biaha mas pa ta sigur.
A test e productonan cosmetico den e laboratorio di asbestos Nomacon na Vianen, y despues dos biaha pa e Instituto Analitico Cientifo na Merca.
EenVandaag a alerta Hema y Douglas di su hallazgonan, y ambos compania inicialmente a retira e makeup for di nan rekinan. Pero e productonan awo ta back na benta, y e dos compania ta nenga cu nan ta contene asbestos, segun e programa.
Hema a laga TNO y Wesseling test su productonan, mientras Wesseling a test productonan di Douglas. Segun e companianan, e testnan a bin back negativo pa asbestos.
Segun EenVandaag, expertonan ta bisa cu resultadonan diferente por ta pa motibo cu diferente laboratorio ta usa metodo di test diferente, of asbestos ta aparece desigual den en producto – pues un muestra tin e carcinogenico mientras otro no.
Como contesta, minister di Cuido Medico, Tamara van Ark a bisa cu e ‘no kier productonan cosmetico cu ta contene asbestos’. “Esaki ta prohibi pa ley”, Van Ark a bisa. “Fabricantenan di makeup mester sigura cu nan ta promociona cosmetico liber di asbestos.”
