Manera cu a keda anuncia casi dos luna pasa pa minister encarga cu transporte publico Otmar Oduber, Arubus ta ricibiendo su flota di bus nobo cu ta encera 6 bus marca Volvo Marco Polis otro siman. E busnan aki tin 56 stoel y tin espacio pa 45 persona para. E director di Arubus esta Teo Croes a splica cu a bay bek na e marca aki debi na e bon calidad di e busnan compara cu esunnan busca anterior. Por a haci esaki tambe como cu nan a baha prijs di e busnan.
Caida pasahero
Pa loke ta e cantidad di pasahero, Arubus a drop hopi atrobe, tin casi 175 mil pasahero menos cu aña pasa.Segune director ta pa motibo di competencia inhusto y varios otro factor cual ta encera taxinan pirata. Ta bezig atrobe ta bira mas creativo pa hala e pasaheronan bek. Ta bay traha mas cos rond di dje. A bay cu un mercadeo un tiki mas fuerte. “Tempo cu refineria a cera, Arubus a perde entre 5 pa 6 mil pasahero pa luna. Cu e reapertura, e lo por bin cu un efecto positivo pa Arubus, pero ta papiando solamente di 5 pa 6 mil trahado pa rit, sin conta e hendenan cu ta bay San Nicolas cu ta bay pa otro cos,” el a termina bisando. Fuente 24ora.com
