Den e temponan dificil actualmente, tambe nos ta pensa riba nos Arubianonan bibando den exterior. Con ta bayendo cu nan y kico ta nan experiencia actualmente. Awe nos ta conta e storia di Jennifer Maduro, kende ta biba na Montreal, Canada.

The Quarentina Cantina

Con bay Aruba? Mi nomber ta Jennifer P Maduro, naci na Oranjestad na 1949. Den herfst di 1964, despues di atende Colegio Arubano pa tres aña, mi a bay scol preparatorio y despues college na Merca. Mi dos ruman y mayoria di mi coleganan e tempo aya a bay scol na Hulanda.

Otro cu bin cas pa varios vakantie, y un aña trahando na Colombia despues di mi graduacion, mi ta biba na Canada desde 1973, unda mi a bay scol despues di gradua. Na Toronto, sigui pa biba na Vancouver, Halifax y Montreal desde 1986. Mi ta retira pa 10 aña awo, y ta biba den un bunita bario cerca di mercado Atwater, y e canal Lachine den pueblo Sur Occidente di Montreal.

Prome un saludo chikito na mi amigonan di infancia y actoprimo na Aruba, cu a continua ta parti di mi famia virtual y amigonan riba Facebook; un cos cu mi a siña ta cu amistad di infancia ainda ta comparti cu bo y ta aliadonan confiabel den tempo di problema of alegria, ta hari pa bo jokes y potret y di algun forma nos ta compronde otro, despues di mas di 60 aña.

Kico precies ta e conexion Aruba-Montreal y con por isola exitosamente pa varios siman y posiblemente lunanan den e spring te awo hopi friu? Con mi añanan inicial y lantamento na Aruba riba caya Mozart cu mi wela Helen R Leon, mi mama Audrey Maduro y mi ruman homber Steven (kende ta biba na Vancouver) y ruman muhe Claudia (na Los Angeles) a prepara mi pa e experiencia global sin precendente di pandemia aki?

Isolacion cu 70 aña di edad ta un termino relativo, ya cu mi a siña caba con pa sostene, entretene, keha y keda mi mes berdadero na ami, ami y ami… cu ta mas tanto e compania cu mi tin, ya cu mi ta biba riba mi mes.

Pues bida diario durante e periodo aki ta hopi basa riba e bon habito, structura solido, come bon, hunga bon, pero particularmente entretene nos mes cu nos grupo riba Mozart Straat y mas cu claro, e actividadnan mas adulto cu ta relega na ora di cocktail. Mi tambe ta haya e ‘spring cleaning’ mas intenso e aña aki a bay hopi miho cu musica Tropical y di Caribe den background, zonando hopi duro riba e zonido di e vacuum y mashin di laba paña, y no laga mi cuminsa riba canta musica Mariachi hopi halto – cu mi tabata odia tempo mi tabata mucha – ora mi no ta canta e clasiconan di soul di añanan sesenta y setenta, y balia salsa mientras mi ta haci cas limpi.

Usualmente mi ta bay pafo pa un ora mas o menos tur dia, atardi trempan, riba pia of mi e-bike dependiendo di e clima, pa haci algun compras esencial (cu mi mask traha na cas y mi glove medico blauw) na supermercado, tienda di licor, y botica cercano. Hopi rapido mi a siña e miho manera y schedule pa evita rijnan largo. Mi tambe semper a core cu mi bais tur caminda na Oranjestad tempo mi tabata mucha.

Maske mi ta lanta mas laat durante e tempo aki, y despues di algun dia trempan lanta canando rond den mi pijama mirando Netflix, mi a reverti bek na mi criansa mas structura y menos autosatisfactorio di Aruba, a laba y bisti den un outfit cu tabata combina pa e dia, no mas laat cu merdia.

Tur atardi laat, mi ta cuminsa traha cena, y ta haya cu durante cuarentena mi tin un man mas fuerte pa sazon, specerij, curry y saus Piripiri cu usualmente, sin menciona un man mas generoso pa ora di cocktail. Con otro mi lo sobrevivi mirando noticia di anochi riba television local, Mericano y internacional?

Mi mester admiti cu mi ta grita groseria fuerte na momento cu e ‘Trumpeter’ ta aparece, y mayoria di biaha ainda mi ta grita groseria den Papiamento of Spaño, mi mama tabata pone tabasco riba nos lenga si nos bisa palabra malo, awo mi ta pone placa den un pochi, cu ora e yena mi ta entrega na un di mi organisacion caritativo faborito. Si nan tabata sa di unda e dollarnan grosero ey ta bin.

Despues di cena, mas sinta riba sofa y mira TV ta trece mi cerca di orario di ciere di e Cantina, y despues di lesa cu speransa un tempo pa drumi, y maske mayoria ta pesadiya, algun soño bunita durante e cuarentena di corona.