Recientemente a tuma luga na Aruba “Het Nationaal Onderwijs Congres Caribbean”. Hunto cu e comite di Hulanda a organisa e merdia na Colegio Arubano pa docentenan di Aruba.
E congreso ta trata di charlanan di motivacion y tayernan orienta riba practica, cu un programa varia y educativo. Durante e congreso, docentenan por a intercambia di idea hunto cu oradornan riba e ultimo tendencia, desaroyonan, innovacion y productonan mas nobo den enseñansa. A dialoga tambe riba situacionnan cu ta biba bao mucha- y hobennan cu por afecta nan na scol y con pa maneha esaki na e miho manera.
“Por a mira e interes grandi cerca e docentenan. Ta cu e interes y pasion cu e docentenan tin pa nan trabao so por traha na mehora e educacion di nos mucha- y hobennan, y pa esaki mi ta gradici nan di curason,” Prome Minister Evelyn Wever-Croes, kende a atende e congreso, a expresa den un comunicado di prensa.
