Pais Aruba a sali ganado di e premio anual“Bank Note of the Year Award” 2019, esaki ta locual International Bank Note Society (IBNS) a anuncia cu den un votacion haci pa su miembronan Banco Central di Aruba (BCA).
E diseño ganado ta biyete di 100 florin, cu e yuwana pinta y damanan den baile di cinta. Un total di 100 biyete a wordo introduci, caminda cu 22 so a ser nomina. E diseño principal di e biyetenan tin e tema ‘Bida na Aruba’. Esaki ta encera herencia cultural, monumentonan, flora y fauna di Aruba.
Na mei 2019 Banco Central di Aruba a lansa e serie di biyete nobo. E cambionan di biyete a wordo haci despues di casi 30 aña. Esaki kiermen cu Aruba a participa tambe pa prome biaha den e IBNS.
E biyetenan aki, banda di ta hopi bunita, nan tin caracteristica di siguridad mas avansa. E preparacion di e biyetenan aki a dura mas cu 7 aña pa asina Banco Central di Aruba por logra esaki. Como participante nobo, IBNS a bisa cu Aruba por fungi como un ehempel pa otro paisnan cu ta considerando pa cambia e diseño di nan biyete.
