Den un carta manda riba 12 di october pa e prome minister di Hulanda Mark Rutte den su funcion di presidente di e Conseho di Minister di Reino, premier Mike Eman ta exigi cu Reino ta revoca e nombracion di Alfonso Boekhoudt como e proximo gobernador.
Click aki pa pagina 1 y pagina 2 di e carta die sr. Eman pa sr. Rutte.
Conseho di Minister di Aruba ta haya cu e nombracion aki ta contra e reglanan di Reino pa cu nombracion di gobernador, segun Eman den e carta.
E tamba ta skribi cu for di comienso Aruba a indica cu Angel Bermudez ta nan candidato pa bira e gobernador nobo. Pa motibo di esey sr. Bermudez, cu awor ta minister di Financia, a wordo invita pa un encuentro cu e minister di Asuntonan di Reino, esta Ronald Plasterk (banda rechts riba potret).
Premier Eman ta bisa tambe cu e minister di Asuntonan di Reino riba su mes no por nomina candidatonan pa gobernador, solamente e Conseho di Minister di Aruba por haci esaki segun e procedura stipula.
Ret Karibense a publica siman pasa cu minister Plasterk mes a nomina Boekhoudt como candidato-gobernador.
Prome minister Eman ta finalisa e carta cu Reino mester revoca e decision aki y cu kier sinta hunto cu sr. Rutte riba corto plaso.
.jpg "Minister Bermudez ta kibra silencio riba nombracion gobernador")
