Actualmente ora cu e huespednan cu ta kedando na Bucuti y Tara Beach Resort ta haci nan ehercicionan riba ekipo di train nan ta generando coriente pa e hotel. E SportsArt ECO-POWR TM ta haci posibel pa produci coriente en bes di uza coriente.
Aña pasa Bucuti & Tara a agrega un bicicleta ECO-POWR TM den nan centro di fitness. Tanto e huespednan como e staf di e hotel a keda impresiona cu e resultadonan cual a motiva e hotel cu ta promove menos uzo di fossiel posibel, pa expande nan ekipo di ehercicio cu mas di e ECO-POWR TM nan aki.
Turistanan cu ta hospedando na e hotel por scoge entre un bicicleta paden, 2 bicicleta di careda, 2 bicicleta vertical y un “treadmill”. Den su compromiso pa cumpra local, Bucuti & Tara a percura pa cumpra e ekipo for di un comerciante local tambe.
Con e ta traha
Ta instala e ekipo den e mesun forma cu un mashin di train tradicional cu ta uza coriente. Simplemente ta plug e waya den e outlet. E Kilowattnan ta keda genera door di haci ehercicio riba e mashin cu ta keda converti den coriente pa uza pa aire condiciona y e ta bay bek via e Bucuti & Tara nan “power grid” pa consumo. E tecnologia innovativo aki ta warda 74% di energia humano y ta converti esaki na electricidad pa uzo general.
Coriente crea door di energia humano
Un “workout” por produci 160 watt-di coriente. Por ehempel un averahe di 100 ora di watt por duna coriente na un television LED di 50” inch pa mas cu 4 ora. Por charge un telefon celular (totalmente morto y recarga tur dia) pa 18 dia. Por cende un bombio di luz LED di 12w pa 8+ ora (equivalente na 60w). Pa pret, por te hasta duna coriente na Amazon Echo pa conta chasco – 25 di nan pa ta exacto! E calculacionnan aki ta basa ariba informacion for di ElectricityPlans.com y e articulo aki den Forbes Magazine. Agregando na balor di loke e huespednan ta haya como recompensa ta cu nan sa cu nan ta contribui na tene energia limpi mientras nan ta rebaha nan consumo di coriente tradicional.
Tambe Bucuti y Tara a integra un manera dibertido pa check nan training. Ademas di check e jornada di training, e ECO-POWR TM cardio equipment cu su tecnologia SA WELL+ ta laga e huespednan mira cuanto energia nan a produci, te hasta tin un screen den cual ta presenta esunnan cu ta produci mas hopi energia tanto local como globalmente.
Oferta mas recien den un programa integral di bienestar
Bienestar na Bucuti & Tara ta pa basta tempo caba algo cu ta duna gratificacion na nan huespednan. Tin un state-of-the-art Fitness Center rondona di murayanan di glas di dak te na vloer ta duna e huespednan un bista impresionante di nos famoso Eagle Beach.
Un programa comprensivo cu tin staf cu ta consisti di conciërgenan di salud cu ta personalisa e schedulenan di bienestar pa cada persona. Servicionan, instructornan y personal trainernan ta disponibel eynan mes y tin posibilidad di yuda huespednan cu ta enfoca riba nan salud pa haci actividadnan cu Bucuti & Tara Resort y cu na Aruba ta ofrece. Bucuti & Tara ta ofrece tanto seccion priva como beach bootcamp, sesion di medita y tratamento di spa den hut riba beach, pa caminatanan na otro localidad, yoga cu luna yen, deporte acuatico y te hasta lesnan di baile.
Pa e hotel aki, bienestar total ta inclui tambe den cuminda. E restaurant di e hotel “Elements”, popular pa su esencia di bon calidad di cuminda, ta invita huespednan pa gosa di varios opcionnan saludabel cu ta inclui un menu completo vegan/vegetario, gluten free y platonan cuisine di rond mundo.
Ademas di esaki, Bucuti & Tara tur dia tin un “Healthy Hour”, e prome hotel den Caribe cu ta presenta “smoothies” yen di nutriente y “mocktails” sirbi cu un appetizer saludabel pa e corazon.
