(NLTimes) – Ministerio Publico (OM) di Aruba posiblemente lo procesa Joran van der Sloot pa e asesinato di Natalee Holloway despues di su confesion e siman aki, vocero di OM a conta CNN.
Autoridadnan di Aruba a pidi autoridadnan di Merca pa e documentonan di corte, incluyendo su confesion, pa asina por considera e opcionnan. E statuut di limitacion pa e asesinato di un persona sin cu e ta un plan na Aruba ta 12 aña. Holloway a fayece 18 aña atras. Durante e huicio na Merca pa extorcsion di e mayornan di Holloway, Van der Sloot a confesa cu el a causa e asesinato di e hoben cu un bloki ora cu el a nenga su avancenan sexual y a pusha su curpa den lama.
“Oficina di OM kier reitera cu e caso di Holloway ta permanece un caso habri na Aruba,” vocero di OM a conta CNN. Si e persecucion lo ta posibel ta “depende di varios factor dentro di e investigacion,” el a comenta. “Tambe tene na cuenta cu nos no sa kico ta den e documentonan oficial di corte y e documentonan relaciona cu e investigacion.”
Van der Sloot a confesa su riba diaranson como parti di e trato cu hudiciario Mericano pa ricibi un sentencia reduci pa e extorsion. Corte a sentencia su persona na 20 aña den prizon riba diaranson. E lo bolbe back Peru, unda e ta cumpliendo un sentencia di 28 aña pa e asesinato di un mucha muhe Peruano, Stephany Flores y otro sentencia di 18 aña pa trafico di droga. E sentencia aki ta caba den aña 2024. E sentencia di extorsion lo core conhuntamente cu e sentencianan aki.
