SAN NICOLAS – Diasabra mainta e team cu ta preparando pa e di 8 TK5 na Surinam a entrena interval na Seroe Colorado. Esaki ta un di e entrenamentonan den veld cu ta duro, mirando cu ta cuminsa na e cancha di tennis y ta haci varios faceta di gymnastiek y despues ta core bay na e santana di cacho y ta sigui cu algun faceta di Taekwondo.
Ora cu caba cu esey ta sigui core bay ariba na final di e caminda cu ta bay pa e seroe. Aki ta entrena riba e cusinchinan y ta haci varios faceta tambe. Despues ta sigui core subi e Seroe di Colorado y ta haci varios faceta entre otro pusta subiendo e seroe. Ora cu caba ta core bay bek na e cancha di tennis y ta scop contra di otro sin mishi cu otro pa despues haci cooling down. E interval training a dura 2 ora y 20 minuut.
Aruba su team di Cadet ta train duro cu e meta pa gana e di 8 Copa na Surinam.
