Durante weekend cu a pasa tabata tin training pa forma e ekiponan cu lo representa Aruba na Surnam pa e evento di TK5. Despues cu varios scolnan di Taekwondo a keda acerca cu un deadline pa anuncia nan participacion, a logra forma un ekipo di Cadet di TK3. Segun un comunicado di Brazil Taekwondo Stichting, Arthy Lie di Surinam a yama diasabra anochi y a puntra pa e siguiente atletanan: Joshua Klabér, Rasheed Lowe y e ‘gele haar jongen’ cu ta Jahmani Eisden. Sr.Lie su scol ta bay cumpli 15 aña y e kier pa e evento aki ta uno grandi cu varios team for di Aruba. “Sr. Lie tin hopi sed pa gana Aruba, mirando cu 10 aña pasa Aruba a bin bek for di Surinam yorando di e sota cu nos a haya y awe nos tin 6 aña consecutivo ta gana e trofeo di TK5 na Surinam”, e comunicado di Brazil Taekwondo Stichting ta bisa.
Durante a anochi di prepara, Master Eric Barry di San Nicolas Taekwondo Center tabata presente na pa mira con duro e preparacion ta pa e teamnan. Sr. Barry a para referee varios biaha y tabata testigo di e logronan di Aruba y e aña aki ‘un biaha mas sr. Barry ta bay ta testigo di e teamnan di Aruba’. Aruba ta conta cu dos team pa e di 7 TK5 na Surinam. Un team di TK3 di e categoria di Cadet kendenan ta e siguiente atletanan: Joshua Klabér, Rasheed Lowe y Jahmani Eisden. Un team di TK5 di e categoria di Junior kendenan ta e siguiente atletanan: Roaul Baarh, Nathan Fradl, Hakeem Lowe, Záhyon Klabér y Shaquille Barry. Jourdé Klabér ta bay coach e dos teamnan na Surinam
