Aruba Ports Authority N.V. (APA) a tuma nota di un comunicado di prensa cu recientemente a ser publica door di un di nos business partners den cual APA a ser menciona. Nos kier a informa cu e publicacion aki a ser haci sin coordinacion of aprobacion di APA, cual ta di lamenta.
Den su comunicado di prensa, APA ta distancia su mes completamente di e comunicado aki pa motibo cu, entre otro, e informacion cu a inclui den e comunicado no ta completo. APA ta di opinion cu no a actua di un manera etico, o corecto cu e publicacion aki.
Den cuadro di transparencia APA ta informa, cu pa algun luna caba APA, conhuntamente cu algun business partners, ta haciendo un estudio di comparacion di tarifanan den region. Asina cu e estudio aki wordo finalisa, lo presenta debidamente y conhuntamente cu nos business partners e resultado di dicho estudio. Asina e comunicado ta finalisa.
