Un biaha mas nos pais ta den luz negativo den medionan internacional. Segun e reportahe haci pa e website di ‘News Americas Now’, Aruba ta number un den caribe pa labamento di placa.
E departamento gubernamental di Merca encarga cu entre otro labamento di placa y crimennan financiero a publica un lista di 21 pais Caribense cu ta un risico grandi den criminalidad. Segun e lista di ‘International Narcotics Control Strategy Report on Money Laundering and Financial Crimes’, Aruba a sali como number un pa motibo di su localisacion geografico y lasonan entre Norte America cu Europa.
E labamento di placa segun e informe ta relaciona principalmente cu placa cu ta procedente di droga y traficacionan ilegal. Esaki lo ta algo cu lo ta wordo orkestra pa organisacionnan criminal cu ta cumpra bienes via real estate y uzando capanan strategico pa evadi impuesto. Mester pone acerca cu e organisacionan aki ta opera cu ayudo di personan cu conocemento huridico di Aruba.
Bon Dia Aruba ta tumando contacto cu e departamentonan y mandatarionan concerni pa un reaccion.
