E Leonnan di Aruba One Happy Island Lions Club ta invita henter comunidad, un y tur, grandi, hoben y nos muchanan, como tambe nos deportistanan y esnan cu tin caminata y coremento como hobby. Diaranson dia 12 di juni bo por busca bo T-shirt, for di 5:00 PM – 7:30 PM na Sandra’s Garden, pa asina bo por participa diasabra 15 di juni 2024 den e prome LIONS 5K FUN RUN WALK cu lo tuma luga na Eagle Beach.
E evento aki cu lo inicia pa 7or di mainta diasabra awo lo ta un dia di recreacion, fitness, conscientisacion, diberticion, union y amistad pa un y tur, famia, colega, deportistanan y tur esnan cu ta desea di pasa un rato agradabel y cana of core e 5 kilometer.
Ainda por registra via e app, door di scan e Qr-Code of bishita e link https://5k.pro.aw/ y por haci pago online na Aruba Bank, Fundacion Aruba One Happy Island Lions Club 6005880190, Specificacion “FRW2024 y nomber”. Si bo no por participa, bo por haci bo donacion via banco (e mesun cuenta) y contribui cu Aruba One Happy Island Lions Club.
Tin un special; mama y tata cu registra hunto ta haya inscripcion gratis pa un yiu. Ademas si tin organisacion y/o compania cu ta desea di participa, grupo 10+, nos ta entrega e T-shirtnan te na porta di cas of compania.
Lo tin varios premio. Tambe por tuma contact cu miembronan di “Aruba One Happy Island Lions Club” of bishita nos Facebook page of Whatsapp 562-9129.
Registra, Participa y Coopera pa nos por sigui brinda ayudo na esnan den comunidad cu ta den necesidad. E ta pa un bon causa.
