ORANJESTAD – Diasabra ultimo e IFCA ABC Dutch Caribbean Championship a cuminsa den Spaans Lagoen na Curaçao, cu poco biento entre 11 – 15 knot y cu 40 atleta competente. E condicion di biento no a cambia mucho y na final di dia e team di Aruba a logra resalta den e Top 3 nan den diferente categoria.
Diadomingo dia 12 di mei, e dia a cuminsa mas faborabel cu un tiki mas biento entre 20 – 24 knot. E caredanan tawata hopi competitivo cu resultadonan hopi cerca di otro.
Resultado categoria bou di 15:
1e luga: Jaydan Saladin (Aruba)
2o luga: Floris Kaffener
3er luga: Mats Steinmeijer (Curaçao)
Categoria Hende Muher:
1e luga: Carmen Geelkens (Aruba)
2o luga: Zara Rozeboom (Curaçao)
3er luga: Maud Wildeboer (Curaçao)
Categoria bou di 21:
1e luga: Nathan Westera (Aruba)
2o luga: Stefan de Bell (Curaçao)
3er luga: Nigel Hart (Bonaire)
Weekend venidero, dia 17 pa 19 di mei e segundo rond di e IFCA ABC Dutch Caribbean Tour Championship ta continua e biaha aki na nos isla Aruba.
Wind Racers Club Aruba ta invita e comunidad local cordialmente pa bin apoya nos atletanan hoben y talentoso di nos islanan ABC.
