Coro Ars Nova ta existiendo pa 20 aña desde cu a wordo funda. Actualmente tin 22 miembro ta canta. Bon Dia Aruba a entrevista Mayra Kock Garrido cu ta un director profesional.

Sra. Kock ta splica cu Ars Nova ta canta variedad di cantica muscial coral di diferente siglo cu estilo. E ta remarca cu generalmente nan ta haci un estilo, cual ta polifonia, cu ta edad di oro di musica coral di siglo 16 pa dilanti. Tambe nan ta canta folklore Arubano y di region, sea Cuba, Haiti, Maritinica, den tur sorto di genero. Segun sra. Kock ta splica, esaki t di clasico te cu popular.

E ta sigui splica cu nan ta dividi entre soprano Alt, tenor, y bass e coro mixto. Nan tin otro seccion asociacion cu ta coro cantare, cual ta coro mas hoben. Tambe nan tin un coro di mucha muhe cu ta yama coro femenino. El a remarca cu soprano y Alt ta divide den varios cos.

Nan ta den e parti di cantamento y depende di e cantica segun sra. Kock ta splica, tin cantica di coro cu ta netamenta acapela, cual nifica  cu no tin acompañamento instrumental. Tambe tin cantica cu su structura ta bay cu acompañamento orechestral. E ta aclara cu e ta depende di e caso paso mayoria di biaha ta ‘dobla’ e orchestra tocando piano. “Por ehempel si ta tocando un clasico di Mozart, mester un tocamento orechestral. Pero pa motibo cu no tin orchestra disponibel, e parti orchestra ta wordo toca (dobla) cu piano.”

E otro variedad cu tin ta cantica folklore, cual  wordo ta toca cu guitara of cuarta. Bon Dia Aruba a puntra sra. Kock si Aruba ta haya falta di un orchestra, di cual el a contesta cu ‘sigur cu si’. El a splica cu practicamente no tin cantante y cu tin scarsedad, mas den e bos hende homber. E ta haya cu e motibo ta cu no tin un actividad aki na Aruba cu ta cultiva esaki. “Generalmente e conocemento cu hendenan tin di coro ta ora nan bay misa, pero no sa cu coro mundialmente ta mas cu esey. E ta instrumento cu por abarca cualkier genero y un instrumento cu ta popular como parti di educacion musical na cualkier pais.”

E ta aclara cu na Latino America y Europa ta yen di coro den edad hoben. E ta remarca cu esaki ta algo cu falta na Aruba. E ta agrega cu e ta pensa cu e ta pa motibo cu Aruba no ta inverti den educacion musical. El a comparti cu Aruba ta enfoca riba ‘entertainment’ of cosnan moderno, cual e ta bisa cu no ta nada malo door cu e cosnan popular, cual ta existi den tur parti tambe di mundo, pero no por neglisha cu falta e parti educativo.

E ta pensa cu den educacion musical specifico tin hopi añ

 

a sin haci nada na e scolnan basico of secundario. Agregando cu ni na nivel general tampoco. E ta splica cu esaki ta necesario. E ta bisa cu na nivel di aprecio musical, ta sali for di eynan y ta midi e nivel cultural di un pueblo. E ta splica cu e sorto festival manera nos a caba di tene siman pasa ta importante y mester tene na cuenta pa e no bay perdi.

Talento no ta nada ‘si e no ta wordo desaroya of educa, specialmente den un genero asina importante cu ta musica’. Sra. Kock remarca cu si no tin un desaroyo di kico ta e persona su habilidadnan, kico ta aprecacion cu oido musical. E persona su educacion bocal e ora no ta haci nada. E parti di husgamento ta importante. “Ora e pueblo ta educa den musica, E ta un obligacion pa e artista pa ta riba un miho nivel. Si un persona ta bin con cu ta, y ta haci cualkier cos y ningun hende sa, e nivel no ta wordo lanta.”

Segun sra. Kock ta bisa e desaroyo di educacion musical ta sumamente importante den hubentud. Esnan cu ta bay bira e motibo pa e desaroyo di un profesional ‘un ta alimenta e otro’. Agregando cu aki na Aruba no tin un persona cu ta duna e desaroyo musical aki.

Pa aclara, aki  na Aruba tin scol di musica Rufo Wever cu ta specifico pa esnan cu ta adulto of hoben cu tin inkietud musical. Nan por bay eynan pero e ta papiando di un vision mas amplio como parti di educacion general cu ta forma parti di un curriculum.

Lamentablemente sra. Kock ta bisa cu curriculum di educacion musical no ta existi. “Bo ta bay un scol basico, no ta haya cu e docente cu tin e preparacion suficiente pa musica. Mescos bo ta siña pa un docente di kleuter, no cualkier hende por para dilanti un klas y duna les, mester tin un preparacion. Y no ta suficiente cu bo ta bay un par di biaha pa les di musica.”

Segun sra. Kock e ta un curriculum special cu tin pa forma un specialista pa educa musicalmente anto esaki no ta sosodiendo na Aruba pa basta aña. Anto e ta crea un bashi. E ta continua splica cu e maestronan cu ta canta cu muchanan ta poco, pero canto ta un di herment mas importante o basico pa educa musicalmente pero mester sa kico ta wordo haci tanto musicalmente como tambe vocalmente.

“Mester di un desaroyo, bo ta canta masivamente pa educa musicalmente. Mescos un orchestra.” Sra Kock ta duna ehempel di scol di musica Rufo Wever mirando cu cuanto docente tin den scol di musica no por abarca educacion di henter un isla. E ta pensa cu esaki lo ta algo cu den algun momento esnan profesional, encarga cu e parti musical mester sinta hunto anto bin cu un plan pa trece un educacion musical responsabel y efectivo. E ta remarca cu esey ta e importancia di e festival cu tabata tin siman pasa.

Remarcando cu studiantenan cu a bin e festival tambe a bin pa ricibi un tipo di tayer, ta yen hoben, tin di hasta 17, nan ta maestro den nan instrumento. E ta splica cu musica ta un di a careranan mas largo cu tin, paso mester cuminsa di trempan sino no ta crea habilidad necesario. Cu musica mester ‘un lenguahe special, pa crea habilidad di lesa, toca of canta e ta un largo’. E ta duna ehempel cu ta mescos ora ta siña lesa for di chikito, mescos cu musica for di chikito siña lesa. “Mescos ora bo ta wak cu hubentud instrumentisa cu ta bin akinan, e ta sirbi manera ehempel di con pa crea algo similar den instrumento y den canto.”

El a finalisa ta bisa cu ora nan haci gira internacional e coro di mas grandi den edad ta di nan, paso tur e coro y tur orchestra tin hende hoben. “E ta algo cu falta na Aruba y si esaki ta e desaroyo di e Aruba Symphony festival por a sende e chispa por haci algo igual of cuminsa e caminda pa por yega asina leu.”