Dia 20 di augustus proximo, ‘Aruba Malmok Runners’ (AMR) lo tene e di seis edicion di nan caminata ‘Never say you can’t walk or run’. Pa 6or di mainta un grupo grandi di canado y coredo nan lo sali for di Fisherman’s Huts na Malmok, pa asina core locual ta priminti di ta un di e caredanan di mas ambiente di 2017.Hopi ta conoce Beto y Jovita Maduro pa ta e motornan grandi tras di AMR y hunto cu e coachnan y tur boluntario di AMR ta priminti di ta un careda exitoso. Aruba Malmok Runners cu nan competencia ‘Never say you can’t walk or run’ e di seis edicion AMR ta un club deportivo cu ta dedica hopi tempo na nos muchanan y tambe na e hende grandi cu ta desea di practica e deporte di coremento.
Coachnan di e club ta dirigi e trainingnan a base boluntario y ta duna tur di nan tempo pa asina inverti den e atletanan di e deporte di coremento. Lo por participa den e categorianan: youth 3k run ta pa edadnan di 9-10/11-12/13-14, 5k fun run ta pa tur edad, 5k walk ta pa edad di 15 aña bay ariba y na e careda mas popular cual lo ta e 10k run ta pa 14 aña bay ariba.
Algo diferente e aña aki, AMR ta ofrece e opcion di core den team di tres persona pa competi den e categoria
‘Trio-team’ pa edad di 14 aña bay ariba. E meta di AMR ta pa genera fondo pa nan club deportivo, pa asina por ofrece mas na nan atletanan durante full e aña.
Cu nos muchanan na curason, AMR ta invita tur coredo y canado registra pa asina forma parti di e ‘Never Say You Can’t Walk or Run’ cual ta priminti di ta uno grandi y yen di ambiente. Pa registra por bay online via:
https://registration.mylaps.com/aruba-malmok-runners/
