Aruba lo tin fietspad di Oranjestad pa San Nicolas

Dialuna mainta trempan trabounan importante a cuminsa pa realisacion di Green Corridor y asina a cuminsa pone e capa di asfalt di e caminda nobo, cuminsando for di banda di aeropuerto. Den e proyecto aki ta inclui tambe un ‘fietspad’ cu ta yega te San Nicolas, cual kisas lo ta esun mas largo di Caribe. Loke cu falta, segun Prome Minister Mike Eman, ta pa conecta e area di ‘fietspad’ den e Green Corridor cu esun di Linear Park, haciendo esaki di e forma mas sigur posibel. E idea ta pa haya un crusada ‘safe’ pa conexion di e ‘fietspad’, cu ta core a lo largo di  e “vierbaansweg” di Green Corridor, y cual ta un otro contribucion importante pa salud di henter e comunidad. “Esaki no solamente ta inversion den infrastructura, pero ta conecta nos vision  di calidad di bida, di bienestar general, y salud  di nos hendenan. Algo cu nunca antes tabata asina prominentemente ancra den e infrastructura,” Prome Minister Eman a expresa. 

Fuente: comunicado di prensa gobierno