Na 2019 Aruba lo conoce un Procurador General nobo y un fiscal Arubiano nobo, esaki a keda confirma pa vocero di Ministerio Publico Ann Angela.
Sra. Angela a bisa cu e periodo di Alexander di Van Dam cual ta Procurador General actualmente lo termina fin di april, y no ta conoci ainda ken lo ta su reemplasante.
Alexander di Van Dam a cuminsa na juni 2016 y a yega su termino di 3 aña cual lo vence, y como custumber PGnan mester bolbe Hulanda pa e periodo ey. E solicitud pa un PG nobo lo vence dia 7 di januari proximo.
Cambionan
Fuera di un PG y Fiscal nobo, ministerio publico lo update nan presencia online, cu posibilidad di pago, y mas manera pa facilita nan clientenan. Tambe a anuncia cu dia 5 di januari 2019, OM lo tene nan ristamento preventivo cu lo dura pa henter temporada di carnaval 65.
