Diasabra 29 di Maart na China Club, E club di servicio Aruba Lions Club ta organisa su fundraising Karaoke Festival pa asina e Club por sigui yuda den varios proyecto pa Comunidad, manera e club ta bin ta haci caba durante e ultimo 77 añanan.
Si abo ta desea di participa den e Karaoke Festival aki por yama George Winterdaal na 561-6151 of Magaly Dijkhoff Arends na 592-1668 y inscribi mesora pa asina por participa. Dos aña pasa Aruba Lions Club a organisa nan prome Festival di Karaoke cu tabata un exito y ta organisando e di dos diasabra 29 di Maart.
Lo tin 2 categoria cual ta Categoria A y B. y den cada categoria lo scoge 2 finalista y un ganador of ganadora y e premionan lo ta CASH. Ademas e Club di Aruba Lions a prepara un Bar y Cushina bon surti.
Tickets lo ta un balor di Afl. 25,00 y lo ta disponibel cerca tur nos participantenan of na Pay.aw
Aruba Lions Club ta un club di servicio cu tin 77 aña brindando servicio na comunidad di Aruba cu diferente proyecto manera Cama di Hospital y Wheelchair , Hunger Relief, Smile Mobile y hopi mas.
Nos ta invita tur persona riba 18 aña pa por participa y tambe ta invita tur e clubnan di servicio pa asina por participa y demostra nan talento, por inscribi via nos pagina di Facebook tambe Lions Club of Aruba.
