Durante Fin di Siman, e Smile Mobile di Aruba Lions Club tabata activo un biaha mas pa asina haci un chekeo di e dentadura of planchanan di nos grandinan.
Smile Mobile a bishita Diasabra Centro di Cuido San Nicolas parti mainta y parti atardi a bishita Huize Maristella na Savaneta. Diadomingo a bishita San Pedro y Sint Micheal Pavilioen na Playa y atardi a bishita Fundacion Paraiso na Catashi.
Denturista Igor Croes y Magaly Franken a haci e chekeo di e djentenan prostatico pa mira si tur cos tabata na ordo y esnan cu tabata falta limpieza y algun reparacion a haci esakinan den forma gratuito. Tremendo pa destaca presencia di e team young di Aruba Lions cu ta e Leo’s nan cu tambe a join e dia aki pa duna asistencia. Mester menciona cu hasta Dr. Edward Cheung a comparti un rato den e Smile Mobile y a keda masha fascina cu e trabou di e Smile Mobile.
Aruba Lions Club ta masha contento di por aporta na salud di nos grandinan y lo sigui pronto cu mas di e servicionan aki pa nos comunidad cu nos Smile Mobile , Aruba Lions Club pa 75 aña caba sirbiendo nos comunidad.
