Aruba Food & Beverage Association a tene nan evento pa anuncia cambio di nan nomber, reorganisacion di e asociacion, plan di negoshi, y pa un sistema digital pa mercadeo.
Presidente di AFBA, Jan Van Nes a duna anuncio di nan website, unda el a informa cu reaccion a bay bon. Reorganisacion, plan di negoshi y un board cu entusiasmo y boluntario a bay pa un sistema digital pa mercadeo.
E asociacion ta traha den area di ‘Food & Beverage’ pa tur e wholesalers, café chikito, restaurant chikito te grandi. Nan tur por bira miembro pa yega na forsa pa locual nan ta representa. Tin den actualidad 400 restaurant cu ta varia y nan meta ta pa traha hunto, ‘esey ta e plan’.
Marketing/ Board member di Aruba Food & Beverage Association, Daniele Ferrara ta esun cu ta para responsabel pa a grupo di marketing. Su trabou personal ta educacion den mercado di food and beverage, enfocando gran parti riba restaurant, pero otro negoshi cu ta involucra den otro manera, y asina ‘educa doño di compania’, pa trahado logra standarisa e clima di servicio di nan trahado y negoshi. “Nos ta pone nos producto na calidad halto. Tambe den cuminda y bebida mas facil pa e turista.”
Actualmente nan tin 50 pa 60 miembro. Idea ta pa nan yega 100 miembro of mas, caminda nan por tin un instructor den mercado internacional pa bin Aruba. Di e forma aki subi nivel y calidad den nan negoshi na cada compania y restaurant na Aruba.
“Nos miembronan tin e responsabilidad pa pusha e asociacion pa tur hende sa y wak nos den kico nos ta trahando riba dje. Nos tur tin nos compania apart cu ta trahando, pero nos ta hende dinamico y hunto nos logra nos meta, sigur”, Ferrara a bisa.
Carolina Merryweather-Raven, vice presidente y miembro di board Aruba Food & Beverage Association, a bisa cu nan introduci plan nobo pa futuro y lansamento di website. E industria di cuminda y bebida ta importante pa Aruba.
Pa hopi tempo nan a pensa pa bin cu algo grandi pa e industria, no solamente pa restaurant, pero pa henter industria cu ta traha cu cuminda y bebida.
Merryweather-Raven ta bisa cu hopi biaha tin competencia entre otro, pero ta importante pa representa un Aruba cu producto di calidad. Nan kier pa mas miembro acerca, asina nan asociacion ta mas fuerte hunto.
E proyecto di mercadeo pa ‘Aruba dining’, cu ta all-inclusive, caminda e turista of persona ta paga un pakete adelanta di breakfast, lunch y dinner. Nan por come na diferente restaurant. Di e forma ey ta stimula cliente pa bay un restaurant, un restaurant di hotel, na e restaurant di e bario chikito of cualkier otro luga.
Segun Merryweather-Raven, e proyecto ta uno cu tabata existi caba, pero awo lo introduci digital, caminda nan lo tin mas opcion pa bende producto y haci’e mas atractivo pa e turista y local. Cu esey nan ta crea un nivel top siguridad y sanitacion. Nan por wordo ‘rated’ cu e bon servicio. E proceso lo tuma di 6 pa 12 luna pa por opera completo.
E asociacion, hunto cu nan miembro, ta envolvi den interes pa crece hunto pa logra representa tanto empleado di benta y stakeholders di asociacion pa industria, pa garantisa bon producto y mas miembro fuerte y siña di otro, y no wak otro manera competencia, sino tuma iniciativa di promocion di tur sorto pa e asociacion sigui crece.
