Recientemente Ministerio Publico di Corsou a entrega Ministerio Publico di Aruba, e investigacion di Landsrecherche Curaçao tocante di suministro di informacion di Banco Central di Corsou y St.Maarten. Esaki ta pa asina garantisa e integridad, independencia y imparcialidad di e investigacion.
Landsrecherche Curaçao a ricibi un denuncia dirigi contra di Banco Central di Corsou y Sint Maarten, 14 di mei ultimo, di parti di homber di fam Monk. E denuncia ta referi na e supuesto infraccion di e ley di screening y di e deber di confidencialidad, conforme cu e Ordenansa Pasional di Supervision di sector Bancario y di Credito 1994, mirando cu lo a comparti informacion confidencial den cuadro di un candidato pa minister (lesa Neysa Isenia).
Landsrecherche Curaçao a inicia un investigacion relaciona cu e denuncia aki, riba orden di Procurador General (PG). Ainda no a termina e investigacion aki cu Landsrecherche ta ehecutando.
