ORANJESTAD – Aruba Doet cu nan proyecto anual di trabou boluntario. E duracion di dos dia. Bon Dia Aruba a entrevista coordinadornan di proyecto, Thixianne Wever y Stephany Phelipa.
Aruba Doet a cuminsa cu nan prome edicion na 2013. E aña aki ta di su di 7 edicion cu Oranje Fonds ta subsidia. Na Merca nan a organisa un ‘make a diference day’ na 2010, a tuma e proyecto aki y haci e anualmente.
E fundacion a bay Bonaire pa bin cu e proyecto, despues Aruba a sigui, Corsou, Sint Maarten y e resto di islanan di reino. E biaha aki ta prome biaha cu tur isla lo participa hunto na maart, riba e mesun dia ‘e lo ta oficial y lo bira un Koninkrijk Doet’.
Pa Aruba Doet 2019 a cuminsa cu preparacion for di aña pasa september. “E evento mes ta dura dos dia, pero tin henter un preparacion su tras. Dia 15 cu 16 di maart ta e dos dia di trabou boluntario. Club di deporte, fundacionnan, scolnan, organisacion social, centro di bario y cuido, organisacion di cuido di 60+ tur ta acerca nos”, Wever ta splica.
Aruba Doet ta ricibi un lista largo di varios luga, fundacion cu ta acerca nan. Hunto ta regla cu email, reunion, anto di esey nan ta wak si ta haci algo durante e fin di siman di trabou. Nan ta haci entrega di nan proyecto, cu actualmente nan tin 187 proyecto.
E cantidad di proyectonan tin cu wordo completa e fin di siman di Aruba Doet. E aña aki nan tin mas actividad social. “Fundacion tin biaha ta haci e trabou di verf, chapi, limpi of haci algo cu tin di haber cu arte. Manera un bailamento, pintamento, pinta cu proposito”, Wever a continua.
Cada organisacion mes ta scoge kico nan kier haci. Nan ta acerca Aruba Doet cu nan proyecto. Nan ta evalua esaki ‘mayoria of tur ta wordo aproba di Oranje Fonds’. Si tur ta bay de acuerdo cu caracteristica di Aruba Doet.
Wever ta bisa cu nan ta wak si e proyecto ta realisabel den dos dia, nan por involucra minimo 5 boluntario nobo, cu no ta forma parti di organisacion ‘tambe ta wak si e ta sigur y safe’. E ta agrega cu un grupo kier drecha dak, of pinta na un parti halto, mester ta sigur cu nan ta bon ekipa y sigur pa nada malo no pasa.
Segun e ta bisa cu ta keda responsabilidad cu ta cay bou stichting. “Nos no kier nada malo pasa y toch mester ta algo facil cu boluntario por traha y cab’e den 2 dia. E ta importante pa stichting tin nan proyecto cla, pero bon haci. Den caso cu tin proyecto cu mas dificultad, manera pega tegels of dak, mester busca boluntario cu sa con pa haci e trabou. Pa motibo cu si e keda malo, e no ta sinti cu e proyecto a bay bon.
E ta remarca cu ora finalisa un proyecto mester ta satisfecho di e bon trabou. Un mural cu a keda bon pinta, un grupo di 60+ cu a pasa bon den nan proyecto social ‘pa nos esey ta importante’. E enfoke pa e aña aki ta pa e proyecto caba den dos dia y haci impacto.
Un di mensahe positivo rond di scol. “Algo cu ta crea balor agrega na e alumnonan, siña algo hunto cu e boluntario anto ta crea un impacto positivo den comunidad en general, organisacion y su grupo.
Sinembargo e variedad di proyecto ta varia den diferente area. Di e parti constructivo te cu na e parti social. “Cada organisacion of persona ta scoge cu kico nan kier yuda, si bo ta un persona fuerte haci cosnan pisa, pero si ta prefera algo mas facil por haci esey”, Wever ta splica.
Locual no kiermen e ta facil di trabou, pa motibo cu tambe tin e parti social. Ya cu e grupo ta menos, mester tin bista mas amplio riba nan si ta persona di edad of grupo cu limitacion. “Nos ta pone nos bendicion riba e sosten financier. Aprobacion di oranje funds pa hacie official. Mane 60+ hiba nan come, bustip, cuminda, bay lama, grupo cu limitacion ta haci actividad leuk cu nan. Cu e grupo di adictonan tambe ta organisa un actividad social pa nan. E ta varia.”
E idea pa tur hende haya nan boluntario, si tin 187 proyecto nan ta spera un 3250 boluntario. Sinembargo sra. Wever ta bisa cu e añ aki menos cu e otro aña ‘nos a yega di bay 200 proyecto’. Mirando cu nan kier enfoca riba calidad pa hacie miho y tin contacto cu boluntarionan.
Aruba doet ta simula trabou boluntario pone trabou den ‘spotlight como organiscaion por haya boluntario nobo pa nan fundacion’. Pa e dos dia nan ey. Por pasa cu e boluntario ta keda yuda ‘un meta mas largo’.
E doel di Aruba doet ta pa pone den trabou boluntario iniciativa pa por promove trahado boluntario pa nan wak ‘con dushi, importante y fun e trabou boluntario ta’. “Manera pais e ta un suceso pa nos pa tur proyecto wordo compelta y tur hende tin nan boluntario. Nos ta contento cu nos sponsor cu ta duna un suporte na e proyectonan aki.”
Sr. Wever ta bisa cu tambe ta trata cu boluntario cu ta bishita cada proyecto di un forma pa wak si tur cos ta canando bon. “Nos ta bishita algun, pa purba parti den grupo asina yuda coordina, controla y sostene.”
E aña ‘oranje funds’ lo bin bishita Aruba doet su proyectonan. Sra. Wever a agrega tambe cu tin turista ta bin pa participa den trabou boluntario ‘riba diabierna y diasabra di mainta te atardi’.
