E siman aki cu Minister di Finanzas, Xiomara Maduro ta na Hulanda, e mandatario a reuni cu Presidente di CAft, Sra. Lidewijde Ongering.
Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAft, ya cu e termino di Sra. Helen van der Wal ta bay yega su fin na augustus e aña aki.
Segun un comunicado di gobierno, e mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Minister Maduro a gradici Sra. Lidewijde pa su atencion y dedicacion pa e mehoracion di Aruba su finanzas publico na bienestar di nos pais.
