Den nos columnanan di innovacion nos ta ilustra tur e posibilidadnan briyante cu lo por brinda Aruba. Mi persona ta envisiona un “Innovation New Deal” unda riba nivel epico lo inverti den Aruba cu tur e tecnologia cu a menciona den pasado y mas ainda.

Esaki no ta un ilusion di mi banda: E tecnologia t’ey, fondonan internacional di capital inmenso t’ey, e disponibilidad pa inverti di Aruba siguramente tambe t’ey segun fuentenan personal papiando cu companianan internacional.

Pero ora nos tende nos lidernan politico bisa declaracionnan manera, “tin suficiente excess liquidity na Aruba”, “sector priva local por brinda e solucion riba nan so” of “Aruba por trek aan fondo di EU den manera simpel”, Tin varios motibonan pa mustra cu esaki no ta e caso.

No solamente pa revitalisa economia di Aruba y crea pilarnan nobo innovativo pero redenen hopi mas cardinal mester. Gobierno di Aruba mester haci su best den manera extremo pa trek aan capital externo, prome cu situacionnan grave surgi.

Excess Liquidity di Banconan Priva na Aruba den “Freefall”.

Banconan priva na Aruba no tin hopi excess liquidity mas pa cu analisis di Banco Central di Aruba. Tin solamente 600 miyon florin den “excess liquidity”. Pero mas espantoso ta cu e tendencia ta den un vrijeval literal.

Awo riba un nivel mas macro-economico pero sumamente serio nos ta wak cu reserva total monetario ta bou presion.

Esaki ta e ilustracion mas fuerte posibel cu fuentenan internacional di capital no ta solamente un luho mas, pero ta birando un tema mas y mas urgente.

Fondonan di EU ta rekeri hopi experticio cual simplemente no t’ey awo.

Di un banda Aruba tin rason di bisa cu tin fuentenan grandi Europeo disponibel. Den e siguiente añanan Union Europeo ta plania di mobilisa mas cu 300 Biyon euro den fondonan!

Locual ta pa transicion di Energia sostenibel so tin un pot oficial di 200 miyon euro pa islanan Aruba, Corsou y Sint Maarten disponibel. E problema ta cu condicion cu Union Europeo ta pone pa haya acceso na e fondonan aki ta hopi halto.

Pa cu e fondo di Energia, pueblo y Gobierno por bishita e website oficial di Rijksoverheid su Groeifonds Nationaal:
https://www.nationaalgroeifonds.nl/english/primary-conditions-and-criteria

E ta obvio cu Aruba te rekeri partnernan den forma di companianan internacional capaz pa entrega y ehecuta proyectonan cu e fondo Europeonan aki ta rekeri. Pero e fondonan opzich ta disponibel si y esaki por bira un catalyst hopi importante pa trek aan fondonan grandi internacional.

Private-Private Partnerships: compania local y internacional

Un parti grandi di e solucion ta pa trek aan companianan internacional cu tin experticio y experiencia pa ehecuta e vision di “Innovation New Deal” cu mi persona tin. E companianan aki lo partner cu companianan local. Den samenwerking cu Universidad di Aruba y tur e talento cu Aruba tin internacionalmente, por train tanto PhDs na e samenwerkingen aki den sector priva di compania nacional y internacional na Aruba. En fin lo por te hasta crea “Intellectual Property” y patentnan traha na Aruba via e roadmap di “Hellenic Development Bank na Greecia”.

Likides gigantesco internacional por bin Aruba: Private Equity + EU + Fondo di Pensioen

Pa ilustra con grandi e ocean di capital internacional ta, nos por na prome lugar mira cu Aruba su economia total tin un tamaño di $3.3 biyon US Dollar mas o menos. Riba e nivel di mas halto tin mas cu 6 TRIYON US Dollar den capital riba mercadonan internacional wardando pa wordo mobilisa.

Di esaki tin letterlijk $2.6 TRIYON US Dollar den fondonan di Private Equity internacional. Hopi importante pa menciona di e pot aki di capital cu nan a wordo aloca caba na fondonan di Private Equity y MESTER wordo mobilisa dentro di 3 aña. E siguiente lista publico ta di e fondonan priva internacional di Private Equity cu tin mas liquidez.

Dus tin un motivacion inmenso pa fondonan internacional inverti placa den proyectonan cu por brinda “Return-on-Investment”. Aruba pa hopi razon ta un luga perfecto pa inversionnan grandi structural innovativo. Debi cu nos ta parti di Hulanda y Union Europeo, zowel politicamente y locual ta pa fondonan di “Grant Matching di EU”, unda pa cada Dollar priva cu wordo inverti fondonan di EU lo match esaki. Ademas nos posicion strategico serka di Latino America y nos lazonan fuerte cu Estados Unidos.

Un ehempel grandi strategico ta e tema di “Strategic Onshoring”, unda supply chain di tecnologia sofistica manera chips di computer, Quantum Computing, panelnan Solar, Batterianan di Generacion nobo. Tur mester wordo produci y distribui den regionnan “vriendelijk” cu EU y USA. E tendencia di “Strategic Onshoring” ta letterlijk un prioridad inmenso pa Gobierno nacional di Estados Unidos cu biyones den fondo su tras pa ehecuta esaki.

Den un publicacion oficial nos por wak cu tin fondonan di $280 BIYON US Dollar disponibel pa ehecuta e tendencia di seguridad nacional aki:
https://www.commerce.gov/news/press-releases/2023/09/biden-harris-administration-announces-chips-america-funding-opportunity

Gobierno cu photoshoots bunita pero 0.0 progreso structural di innovacion y inversion internacional

Nos tin un HefMin nobo na USA, pero te cu mi sa mi no a wak ningun bedrijf grandi Americano den e areanan di Innovacion di tur mi publicacionnan anterior of den e areanan strategico di “Science & CHIPS ACT” estableci nan mes na Aruba. Nos ta wak si hopi fanfaria cu potretnan di meetings y francamente trade missions di un nivel “zielig” den mi opinion humilde.

Nos ta wak MinPres cu a reuni cu VNO su representante, pero no ta papia ningun momento over con pa trece e fondonan di EU aki Aruba y tur loke mester wordo haci pa sikiera bin den aanmerking pa cu esakinan.

En fin nos ta wak un MinEZ bibando den un mundo di fantasia cu sector priva di Aruba por handle tur cos riba su mes sin nodo di fondo of experticio internacional.

Ban cuminsa haci uso di Ambassade Netwerk di Hulanda pa trece companianan strategico Aruba, Presentacionnan Oficial na nivel adecua cu ta “Pitch” tur e oportunidadnan inmenso cu Aruba por ofrece y finalmente un Roadshow na tur fondonan grandi internacional di Private Equity, Sovereign Wealth Funds, Pensioen Fondsen pa trece e capital aki Aruba.

Pa asina inverti y revitalisa nos economia prome cu consecuencianan mas grave tuma luga.