Aruba, Curaçao y Sint-Maarten por conta cu e apoyo cu e camara di representante awo cu e economia di e islanan ta derumbando debi na e crisis di coronavirus. Pero tambe tin demandanan dificil.

E presupuestonan di e tres isla autonomo a causa cierto iritacionnan y lucha na Den Haag durante e ultimo lunanan. E islanan a haya nan obliga pa recorta considerablemente. T nota tiki di e manera stricto, cu excepcion di VVD y SP. “ Den temponan di desaster y crisis nos tin cu yuda otro”, esaki ta locual e parlamentario D66 Antje Diertens a bisa. “ Nos ta hunto , nos ta famia. Y despues a wak otro”, Joba van den Berg (CDA) a bisa. “ nos a yuda tambe despues di horcan Irma y nos o hacie esaki awo” Attje Kuiken (PvdA) a bisa.

Tambe mester ta posibel pa relaha e regalanan fiscal. Diertens (D66): “ Nos lo ta menos stricto, locual awo nos ta haci tambe pa empresarionan na Hulanda. E situacion ta diferente awo cu con e tabata di siman pasa, nos no ta bay bisa, cu nos ta keda cu e tempo prome cu e crisis.

PvdA tambe kier cu Den Haag sea mas flexible cu e presupuesto ”. En cuanto di parlamentario Attje Kuiken, tin otro opcionnan, como prestamo barata atraves di Hulanda. E ayudo lo dirigi tambe mester proporciona esunnan mas vulnerable di e islanan. Posiblemente den colaboracion cu funcionarionan y organisacionnan internacional di ayudo.

Pero tambe tin voznan critico. SP kere cu Hulanda mester ta hopi generoso, y mester ta habri pa e ayudo di e islanan, pero cu e condicion cu e islanan “ bin cu solicitudnan realmente concreto awo”.

“ No tin otro manera rond di esaki” parlamentario Ronald van Raak a bisa. “ Y no ta cu Hulanda ta bay manda placa, pasobra esaki no tin sentido. Nos a experencia esaki prome y e no a bay bon.. Despues bo ta bolbe haya e molestia, discusion y corupcion.

SPnan ya tabata desapunta tocante e economia di e islanan. “ Sint Maaretn ainda ta luchando cu e efecto despues di horcan Irma y Aruba ta bancarota y Curaçao tambe.

“ Nos kier yuda si e necesidad ta pa hende”, parlamentario di VVD André Bosman a bisa. “ Pero esaki no lo ta sin un motibo. Tambe nos tabatin un acuerdo cu e islanan lo ahusta nan budjets. Esaki no ta e caso. Mi no kier duna un check blanco”.

Na december Curaçao a haya oficialmente un instruccion pa haci recortenan substancial. Willemstad a haya cu Den Haag ta hopi stricto, pero finalmente no tabata tin un opcion di tuma esaki awo y apela.

E partido gubernamental VVD ta bay un stap mas dilanti. “A cambio di e ayudo, mi kier un contract di dies aña, na unda cu e islanan ta priminti pa cumpli cu e compromisonan presupuestario. Cu Hulanda como supervision”, Bosman a bisa.

Na 2010, a cancela un debe di mil miyon dollar di Antianan Hulandes( cu e excepcion di Aruba cu ta tabata autonomo na e momento ey) a cambio di supervision financiero temporal. Pa e mayoria di e politiconan di e islanan, e sorto di extension aki ta un dolor di wowo. Tambe tabatin criticanan fuerte di ciencia

“ Mi tin 10 aña caba como vocero di Relacionnan de reino. Nos a pidi pa haci algo cu e crimen, corupcion, finanzas publico y cosnan no a mehora. Pero si mester di ayudo nan tan a nos porta di cas”.

E partido di coalicion CDA a reacciona sorprendi pa e declaracionnan. “ Mi ta haya e declaracionnan aki di un banda so .Mester di dos persona pa baila Tango, pero mester sigui delibera entre nan”, e diputado Joba van den Berg a bisa. “ E necesidad ta halto”