Awe durante henter dia Aruba Boat Trip a tuma luga den lama na Nikky Beach. E actividad a cuminsa for di 11or di mainta y a tabata plania pa finalisa 6or di atardi sinembargo e ambiente a sigui te mas laat.
E actividad a wordo organisa di tal manera cu yate, boto, seadoo, chup, floater of sin nada, tur hende por a participa y forma parti di dje. Pues riba santo of den lama. Tabatin animacion durante dia di diferente DJ y musica en bibo di Jeon.
Por a mira polis coriendo nan seadoo haciendo control durante henter e evento y na dado momento a staciona y percura cu tur cos keda bou control.
