Grupo di studiante di prome aña di academia di polis a cuminsa un iniciativa pa organisa un caminata ‘Aruba Blue line walk 2020’ cu lo tuma luga mañan dia29 di februari pa recauda fondo pa un proyecto.
Un di e studiantenan di polis a duna di conoce cu ta e caminata lo cuminsa na Ritz Carlton hotel te cu caminda di Arashi. Segun nan calculacion ta casi un 6km, cu un duracion di dos ora. Costo di participacion ta pa yuda nan pa un proyecto cu lo tuma luga na Surinam.
Pa 5:00pm lo cuminsa cu registracion, pa 5:30 lo tin un sesion di Zumba y 6:00pm e caminata ta cuminsa. Tambe lo tin postnan di awa. Lo tin fruta pa esunnan cu yega despues di e ruta, pa nan por tin algo den stoma. Tambe a anuncia cu lo tin premio pa e participante ‘dus wanta boso tickets’.
E meta di e proyecto ta pa nan participa den e Surinaamse viering y pa asina recauda fondo pa nan klas bay. Cada studiante a bende nan ticket pero esunnan cu kier sigui cumpra por haci esaki.
E paña di e caminata ta color blauw y esunnan registra ta haya un banchi blauw. Tambe ta pidi pa ta consciente di medio ambiente; ta recomenda tur hende pa bin cu nan boter di awa pa asina no tin plastic tira banda di caminda, cu ‘no ta un bunita bista’.
E klas di polis lo ta presente durante evento. Algun lo participa y otro lo ta rond di caminda pa asina tur cos por cana bon. Nan ta conta tambe cu coleganan profesional cu lo t’ey pa ta presente y tuma accion di biaha.
Pa finalisa, nan a bisa cu esaki ta un simpel ayudo, no ta buscando pa cubri tur gasto pero algo cu por yuda nan ‘nos ta tuma locual nos haya’.
