Recientemente, Aruba Bankers’ Association (ABA) a eligi un directiva nobo y despues ta apunta e Presidente. E aña ki e termino ta cuminsa na 2024 te cu 2026.
Durante di e reunion general cu a tuma lugar recientemente, Sr. Pierre Rafini, Country Manager y Vicepresidente di Business Banking pa Caribe Hulandes di RBC Royal Bank (Aruba) N.V a wordo apunta como presidente di Aruba Bankers ’ Association y lo fungi como Presidente nobo di ABA pa e proximo dos (2) añanan. Albert di Mauro, General Managing Director di Caribbean Mercantile Bank N.V. a keda eligi como e Vice Presidente di e associación y Elvin Maduro, Managing Director di Banco di Caribe Aruba a wordo eligi como Tesorero di e associacion.
Tocante Aruba Banker’s Association (ABA)
E meta principal di e Aruba Bankers’ Association ta pa representa e interes di e banconan, contribuyendo na un desaroyo sano di e sector bancario y e economia di Aruba en general.
ABA ta compromete su mes pa sigui traha na bienestar di nos comunidad y pa ta prepara pa duna conseho na instancianan gubernamental y no-gubernamental.
Specificamente pa sigui contribui na desaroyo di un economia sano, ABA lo sigui aporta pa nos comunidad ta bon informa ariba desaroyonan economico y financiero cu ta afecta nos comunidad.
ABA lo sigui cu su trabounan pa educa su stakeholdersnan y publico en general tocante e importancia di inclusion financiero como tambe e parti di seguridad ora di haci transaccionnan bancario.
