En conexion cu celebracion dia di Betico Croes, Aruba Amateur Weightlifting Association a tene nan prome Tryout di hisamento di peso esaki a tuma luga den Compleho Deportivo Frans Figaroa na Noord. E competencia aki ta pa wak si e atleta nan ta den bon condicion y tambe si nan a progresa den e deporte di pesas.
Den e Tryout aki tabata tin participacion di atleta di TNT Gym, Eximious Barbell Club y Paradise Strength Aruba. Tur e tres club nan tabata tin atletanan masculino y femenino. Den un bon ambiente y bon motiva y anima e atletanan a start e competencia pa 10:00 mainta cu e atletanan femenino sigui pa e masculino nan.
Aki ta sigui e resultadonan den categoría di femenino y masculino.
Den categoria femenino 49kg Sharisselie Vrolijk ta logra hisa den snatch 40kg y no por a logra pone un total. Den categoria youth 59kg Carol Tavarez di 13 aña ta logra pone un total di 50kg cu e total aki Carol ta kibra su record personal cu 4kg. Shouheila Wegereef den categoria di 64kg ta hisa un total di 125kg cu esaki Shouheila ta kibra su record personal cu 7kg. Den categoria di 71kg tabata tin 3 atleta esun cu a termina cu e miho total ta Nicole Dijkhoff cu 145kg, segundo luga a bay pa Bobby Geurts cu un total di 138kg y tercer luga a bay pa Gianina Medina cu un total di 130kg, cu e total aki Gianina ta kibra su record personal cu 7kg. Den categoria di +87kg tabata tin dos atleta. Prome luga a bay pa Rudselyne de Kort cu a total 160kg y segundo luga a bay pa Dianie Croes cu un total 150kg tambe cu e total aki Dianie ta kibra su record personal cu 2kg.
Den masculino den categoria di youth 49kg Travor Faro di apenas 13 aña ta pone un total di 78kg cu e total aki Trevor ta kibra su record personal cu 12kg. Den categoria di 81kg tabata tin cuatro atleta aki Yunez Guzman ta logra prome luga cu un total di 220kg, segundo luga a bay pa Jean Pierre van der Lak cu total di 210kg, tercer luga a bay pa Jonathan Bocanegra cu un total di 185kg y cuatro luga a bay pa Dylan Liedemooij cu ta hisa pa prome biaha ta logra un total di 150kg. Den categoria di 89kg tabata tin dos atleta prome logra a bay pa Laertes Araque den Youth ta logra di pone un total di 230kg y segundo luga a bay pa Jeremy Dijkhoff den youth di apenas 15 aña ta logra pone un total di 210kg y por ultimo den categoria di 96kg prome luga a bay pa Rodney Marugg cu un total di 225kg.
Aruba Amateur Weightlifting Association kier a manda palabra di pabien na tur e atletanan cu a logra kibra nan record personal y na esun nan cu ta participa pa prome biaha den e Tryout.
