“Aruba Airlines kier a aclara un biaha mas, cu nos no tabata ni ta involucra den ningun tipo di expatriacion forsa di ciudadanonan Cubano”, e compania a declara den un comunicado di prensa.
“Aruba Airlines ta un compania priva y independiente haciendo negociacion cu diferente destinacionnan y sin ningun afiliacion politico.
Na Juni 2019, Aruba Airlines a reacciona ariba e acusacionnan falso aki y te dia di awe nos ta mantene nos mes na e mes un posicion.
Tambe, na October 2019 a peticion di e alto comisionado di Derechonan Humano, Nos di Aruba Airlines a presenta tur prueba na nos defensa y a desmenti e expatriacion forsoso di cual Aruba Airlines ta wordo acusa, mescos cu e vinculonan cu gobiernonan stranhero. Na unda cu nos a presenta nos pruebanan cu ta demostra lo cual cu nos ta bin ta declara anteriormente.
Te na e dia di awe ningun informacion mas a wordo solicita di parti di Nacionnan Uni ni di ningun otro entidad legal.
Di e manera aki nos ta reitera cu Aruba Airlines nunca lo ta complice di ningun crimen ni di violacion na derechonan Humano, y tampoco no ta mantene ningun relacion cu ningun gobierno, Cu excepcion di lasonan comercial cu e diferente autoridadnan di aviacion civil cu ta producto di nos operacionnan den e paisnan, Aruba Airlines lo continua dunando apoyo na e diferente entidadnan oficial si tin mester. Pa garantisa e miho negociacionnan y practica operacional”, e comunicado ta finalisa.
