Ayera marduga, un meneer di 48 aña naci na Venezuela a bira e di 10 morto den trafico na Aruba.
Dialuna pa mas o menos 4:50 di mainta, central di polis a ricibi notificacion di un accidente serio na e rotonde na Bushiri. Central a despacha patruya di polis na e sitio como tambe ambulance.
Na yegada di e prome patruya di polis ta bin topa cu e auto Nissan modelo Tiida color cora numera A-79008 y e chauffeur den e auto no ta reacciona.
A pidi pa materialwagen di Brandweer mirando cu e chauffeur tabata pega den e auto. Personal di Brandweer a saca e victima for di e auto na unda paramediconan a brind’e asistencia medico, pero no por a haci mucho mas pa e victima.
Specialista di trafico a presenta na e sitio como tambe polis forensico y dokter forensico Voskuil.
Dr. Voskuil ta constata morto di Yonathan Ysaac Velasquez Campos naci 02-08-1976 (48 aña) na Venezuela.
Departamento di slachtofferhulp a presenta na e sitio tambe.
Cuerpo Policial y Bon Dia Aruba ta manda palabra di condolencia na famia di e fayecido.
