Aruba a conoce e ganadornan di Un Canto pa Aruba su Himno y Bandera

Diabierna y diasabra ultimo a tuma luga e festivalnan di Un Canto pa Aruba su Himno y Bandera. Dos anochi yen di musica y ambiente cultural ariba Plaza Libertador Betico Croes y na unda na final di cada anochi Aruba a conoce e ganadornan di tanto categoria adulto, como categoria infantil y hubenil.

Diabierna tabata turno di e participantenan di categoria adulto pa presenta nan cancionnan. Di un total di 18 participante, e cantante Edward van der Biesen hunto cu e agrupacion Alma Florico cu su cancion ‘Con Mi por Lubida’ componi pa Danilo Vrolijk y aregla pa Jaderick Croes.

Segundo luga a keda den persona di Karena Maduro di agrupacion Alma Folklorico cu su cancion ‘Un Bon Arubiano’ componi pa Jhon Freddy Tobon Monotya y aregla pa Migi Boss y Egmar Maduro.

Di tres luga di e categoria adulto a bay pa e duo Sharmine y Shardell Maduro hunto cu e agrupacion musical Rejoice cu nan cancion ‘Aruba, Mi Isla, Mi Cas’ componi pa Zulaika Geerman y aregla pa e grupo Rejoice.

Diasabra e mucha- y hobennan a presenta nan cancionnan durante e festival pa e categoria infantil y hubenil. Publica a disfruta di e presentacion di 27 participante dividi den cuater categoria, 4-6 aña, 7-9 aña, 10-12 aña y 13-17 aña.

Den e categoria 4-6 aña e ganador absoluto a bay pa Mirlaine Vis cu su cancion ‘Den mi truck’ componi pa Veloushka Krozendijk y aregla pa Elton Trimon. Di dos luga a keda den persona di Zilah Geerman cu su cancion ‘Canta cu Alegria’ componi pa John Freddy Tobon Monotya y aregla pa Dimitri Frans y Johnny Scharbaay. Di tres luga a bay pa Livaya Escalona cu su tumba ‘Ay ban zwaai’ componi pa Erick Escalona y aregla pa Amado Rosina..

Den e categoria 7-9 aña e ganador absoluto a keda den persona di Hailey Koolman cu su cancion ‘Arikok’ componi y aregla pa Gino Panneflek. Di dos luga a bay pa J-Vyôn Besselink cu su cancion ‘Aruba ban planta’ componi pa Lurena Schwengle y aregla pa Rygell Isabella. Di tres luga a bay pa Jaymerson Kelly cu su cancion ‘Muchanan ban goza’ componi pa Jason Kelly y aregla pa Tico Kelly.

Den e categoria 10-12 aña e ganador absoluto di e anochi tabata Kitai de Jongh cu su cancion ‘Sabi mane’ don Shoco’ componi y argela pa Zulaika Geerman. Di dos luga a bay pa Ishem Howell cu su cancion ‘Cadushi, Siñami’ componi pa Sidney Simoons y aregla pa Elton Trimon.

Den e categoria 13-17 aña Gismary Linarez a resulta e ganador absoluto cu su cancion ‘Si mi bos ta di Dios’ componi pa Lurena Schwengle y aregla pa Raul Piar. Di dos luga a bay pa Reanne Ras cu su cancion ‘Sigui e pasonan’ componi pa Jhon Freddy Tobon Montoya y aregla pa Raul Piar. Di tres luga a keda den persona di Lizienne Web cu su cancion ‘Pa Bo’ componi pa Lurena Schwengle y aregla pa Johnny Scharbaay.