Cuminsando aña nobo nos artista prominente di Aruba a wordo acerca via su studio na Manchester pa presenta un propuesta pa un monumento publico emblematico cu lo wordo instala y exhibi permanentemente na Inglatera. Tambe na februari 2021 e lo ta inaugurando un presencia oficial na Dubai di su arte publico via un representacion Britanico.
Ya caba na 2019 e la wordo acerca pa traha un arte conmemorativo pa Rolls Royce retired engineer nuclear submarine division. Recientemente na Maart di 2020 e la firma contract cu Universidad Militar di Colombia pa un obra monumental pa nan campus nobo na Bogota. Su trayectorio international ta sigui creciendo ya cu aña pasa e la ehecuta y entrega un monumento pa isla di Bonaire na homenahe di Sr. Tavio Sint Jago.
Den pasado e la traha y haci presentacionnan na Italia cu Museo di Arte Moderno di Bologna unda e la biba y train un tempo, na Berlin e la habri su studio y traha na e famoso Sculpture Berlin Studios, na Amsterdam e la wordo invita den e 500 aña bieu “Arti et Amicitea” art society, na London e a bira miembro di e prestigioso Campden Art Centre y a habri un studio na Manchester.
Na Merca su obranan ta den coleccionnan priva na Chicago, Ohio, New York, New Jersey, Miami, Boston, Pennsylvania, Delaware, Atlanta y Orlando entre otro. E la traha obranan pa Rey Albert di Monaco, Rey Willem Alexander, Princess Beatrix y otro miembronan di casa real. Fundacion pa arte publico ARTopia tambe ta informa cu na Aruba e tin obranan na museo y tambe rond di nos isla y ta autor di e AHATA Excellence award durante ultimo añanan. Pa su isla den presente e ta finalisando entre otro un obra publico monumental cu sigur lo hasi su impacto positivo pa Aruba. Un artista internacional, orguyo di San Nicolas, Aruba.
