Artista Cado De Lannoy capturando nos herencia den diferente perspectiva

Cado De Lannoy ta un artisa dedica na haci arte/fotografia di herencia Arubiano cual e ta presenta den diferente perspectiva. “Aruba ta conoci pa su playanan, palma entre otro, pero ami a traves di mi arte ta mustra cu nos tin mas cu ta forma parti di nos historia haciendo uzo di combinacion di colornan, monumentonan, edificionan entre otro.”

Cado ta haya su material, of locual cu e kier presenta na tur sitio rond di Aruba. E ta splica cu e ta un persona hopi cu ta haci hopi acividad pafo (e ta surf) y cada cos cu e haci e ta mira como un oportunidad pa encontra algo interesante. “Rond di Aruba tin e casnan tipico bieu por ehempel, algun di nan bandona y otronan cu hende ainda ta biba aden pues tin un storia cu cada un dia nan.” El a sigui bisa cu recientemente e tabata na New York unda cu el a tuma un curso di fotografia como cu e kier bira miho den locual cu e ta haci. Semper el a siña su mes locual cu e sa, pues el a dicidi di tume mas serio pa profesionalisa den fotografia digital, cual e ta haya un paso importante den e aspecto di negoshi y como artista. El a expone locual cu e tin te cu awo di Aruba tambe na New Jersey, unda cu ela a haya bon reaccion pa su exhibicion. Na Aruba e sosten ta grandi como cu tur hende conoce tur hende mas o menos. P’esey e kier a expone su arte den exterior y mira con otro hende ta reaccion riba esakinan. “Nan tabata hopi interesa y nan ta haya mi estilo hopi unico. Tin algun potret cu ta mustra manera un pintura y nan ta gusta e concepto.”

Algo hopi interesante cu por den e coleccion di arte di Cado ta su coleccion di tegels antique di Aruba cual e ta saca potret di dje y di cual el a imprimi riba articulonan cu ta wordo uza diariamente manera “coasters”.