Gobierno a declara un articulo discriminatorio contra hende muhe nulo anticipando e cambio den ley ainda. Ta trata di e ley di otorgamento di permiso pa horeca.
Esaki minister di asuntonan social ta informa. Den e articulo 53 aki ta exigi un permiso special pa trahado femenino por traha den bar, restaurant etc. E ley ta di 1949. “Un ley cu, si no ta pa un cliente atento cu a notifica Departamento di Labor, otro aña lo a cumpli 70 aña na vigor”, asina e mandatario ta divulga.
“Na momento cu e notificacion a drenta, Departamento di Labor a haci su investigacion profundo y corectamente e articulo 53 cu ta discrimina contra e hende muhe den por haya un trabou den horeca, ainda ta vigente”, asina e minister ta informa.
E articulo aki ta bisa: “Het is zonder schriftelijke toestemming van de minister van Algemene Zaken aan de houder verboden in een lokaliteit waarvoor ingevolge deze landsverordening een vergunning, niet zijnde een grossiersvergunning of een slijtvergunning, is verleend, vrouwen of personen beneden de leeftijd van achttien jaar te laten bedienen.”
Asina cu e minister concerni Glenbert Croes (MRP) a ricibi e notificacion di esaki, el a bay Conseho di Minister pa declara e e articulo 53 aki nulo anticipando e cambio oficial den ley.
Riba potret por mira e minister durante su prome encuentro oficial cu Sandra Brown, director di Centro di Desaroyo pa e Hende Muhe (CEDEHM). Den e reunion aki e minister ta laga sa cu el ‘a ofrece su apoyo maximo na CEDEHM reconociendo e importancia di y su respet pa e ser femenino’.
