Tratamento di ley di screening di Ministernan den Parlamento, a trece basta confusion den comunidad

Segun Parlamentario Arthur Dowers a declara y a mira cu tin hopi hende ta haciendo pregunta cu tur loke a sosode caminda e ley no a haya sosten mayoritario pa wordo aproba.

“For di den comunidad hopi pregunta a wordo haci riba e ley di screening di ministernan y e motibo di con hopi pregunta a wordo haci ta pa e hecho cu pueblo a mira Parlamentario Edgar Vrolijk den un forma grosero y arogante, insultando practicamente miembronan di tur fraccion lagando esnan di su fraccion afo.

 

El a insulta AVP, insulta lider di AVP Mike Eman, insulta Marlon Sneek,  el a insluta Daphne Lejuez y tambe Ricard Croes y dado momento ora  cu el a caba di haci su fechoria, el a presenta su concepto di ley cu lo no conta pa su gobierno. E ora Vrolijk a bin ripara cu despues cu el a caba cu tur hende durante di su presentacion, el a bi ripara cu e lo no haya suficiente sosten pa pasa su ley di screening caminda lo screen otronan pero no esunnan di su gobierno, su mesun ministernan.

Pa kico tabata importante pa e ley aki drenta na vigor di biaha manera cu e wordo aproba, esaki lo a conta pa e ministernan actual cu Vrolijk ta sostene, caminda sin duda lo bay tin varios cu lo pasa e screening aki manera cu Vroijk a presenta esaki.

Aki tur hende tin cu corda con Minister Marisol Lopez Tromp den Parlamento a bisa cu su persona a pasa den un proceso di screening mas pisa compara cu e otro miembronan di e gabinete actual.

Sinembargo loke Minister Lopez Tromp a bisa no a cuadra pero por compronde e motibo di con el a trece esaki dilanti ya cu el a trece dilanti cu su screening tabatin hopi rekisito pero mi persona tambe a pasa den mesun tipo di screenging extenso aki cu tabatin cierto rekisitonan den dje, cu eingelijk awor tin algun persona sinta den conseho di Minister, kendenan nunca por a bira minister.

Pa e motibo aki Minister Marisol lo ta puntrando su mes con por ta posibel cu su persona a wordo gescreen di e forma cu esaki a tuma luga y cu tin ministernan actual cu den su concepto nunca lo por a pasa e screening aki y kendenan ta sinta awor den conseho di minister.

E motibo di esaki ta pasobra e Landsbesluit cu nos  ta bay haya awor, ta laga e posibilidad cu Minister Presidente por ‘wijk af’ di consehonan di departamentonan.

Dos cos ta importante, ora cu Ministerio Publico y Veiligheidsdienst ta señala c’un hende cu ta meti den porkeria y cu nan tin cu start un investigacion riba dje, nan no por bay divulga tur informacion na e momento ey cu tur detaye na gobierno.

Sinembargo nan por informa gobierno si cu e persona ey ta un risico pa seguridad di estado of pa gobernacion anto e ora ta gobierno  tin cu tuma esaki na serio y dicidi cu e persona ey no por bira Minister. Awor por mira consecuencianan di nombra un persona minister cu anteriormente ya caba a wordo señala cu  un riesgo pa seguridad nacional di e pais of di integridad di gobernacion.

Esey ta bisa tambe cu Minister Presidente mes no ta integro y loke Minister Lopez Tromp a haci den cierto sentido, ta di denuncia loke Evelyn Wever Croes a haci, ya cu el a haci esaki den ‘bedekte termen,’ di un forma caminda esunnan cu ta compronde bon, sa kico a pasa eynan.

Otro cos importante pakico fraccion di AVP no a sostene e ley aki ta pasobra e ley aki lo codifica e practica di’friends & family’ y por a scucha nan bisa cu nos sistema ta diferente loke ta nifica cu eigenlijk gobierno tin mag di nombra friends and family.

Nos a bisa cu nos sa cu esey ta e mentalidad di partido MEP y AVP kier a bin c’un cambio den e ley aki cu ta bisa cu si kier haci esey mester bin cu pasonan pa preveni cu a nombra friends and family caminda ta faborece friends and family desproporcionalmente.

Nos a bisa cu si ta nombra friends and family ta unicamente nan mester tene nan mes na reglanan di salario di gobierno ya cu no por ta asina cu ta hinca ruman den servicio kende no tin ningun educacion y preparacion riba ningun tereno pero ta bira dun’e salario di 10 mil florin.

E cos ey ta un acto di sinberguensa cu mester stop pero partido MEP no kier stop esey ya cu esey ta e base di funcionamento di partido MEP.

Otro punto cu AVP a bisa cu no por sigui pasa mas ta cu como gobernante bo ta yega y fix contractnan pa tata, pa ruman y omo caminda por a mira den pasado caminda miyones a bay na paga pa edificio, caminda hasta a yega di hipoteca un edificio pa despues laga gobiero bin paga esaki.

Gobierno di MEP kier a bolbe haci esaki pero dor di Minister Marisol esaki a wordo para pero parlamentario Edgard Vrolijk a insisti cu e ley cu nan a presenta no ta pa stroba Glenbert Croes y su rumannan cu esaki no ta pa nombra famia pero kier papia di integridad pero kier pasa tur cos cu tin den e Landsbesluit caba pero no kier cambionan den e ley cu ta evita e tipo di practicanan pa honra famia den e ley cu el a presenta,” Parlamentario Arthur Dowers a declara.