MAS DI 10 designers Internacional y Local lo participa

ArtisA, e organisacion tras di Art Fair y Art Fashion, ta presenta un fantastico elenco pa cu loque ta bira e espectaculo mas spera di 2023, cu lo hiba e nomber UNCHAINED.

E aña aki, e enfoke ta riba e tematica di “Abolishment of Slavery”, algo cu rond di mundo ta ser discuti. E definicion di e tematica specialmente si e ta toca sclavitud ta conclusion, terminacion, e simpel acto di STOP algo. Durante e Fashion show e diseñadornan no solamente lo toca sclavitud, pero tambe otro topiconan. Manera e liberacion di bo estado mental y scoge pa colornan intenso den bo bida.

Durante un rueda di Prensa na Renaissance Marina, Tito Bolivar, director di ArtisA a splica e tematica cu ta a caso actualmente na Hulanda cu ta pidiendo despensa den diferente manera y ta reconoce e “afschaffing” o abolicion di sclavitud 160 aña pasa. E fecha 1 di Juli 1863 ta marca den historia como e fecha cu a termina pa ley sclavitud na Surinam y e Islanan Caribense cu ta forma parti di Reino Hulandes. Y tambe pakico a bin na e tematica aki na unda sigur lo ilustra e pasado y futuro di San Nicolas.

Si bien Aruba no a sinti mucho e era di sclavitud, esey no nifica cu e no ta real y ta pa e motibo aki a trece un elenco extenso di artistanan di nos hermana Islanan, di Hulanda y Africa pa conta nan banda di historia a traves di moda!

“UNCHAINED” cu ta tuma lugar September 6, 2023 den e cayanan di San Nicolas, ta Art Fashion, un fashion show Urbano cu ya ta existi y organisa pa mas di 6 aña exitosamente. E manera di expresion liber y eficaz a traves di moda.

E elenco magnifico lo ta:

Maria Theresa Madariaga, artista multifacetico, influencer di moda y coleccionista di Arte, un simbolo di moda y arte di Aruba. Un diseñador cu Aruba mester kita sombre na momento cu e lo presenta 25 simbolo di Arte y Confeccion, na su manera unico. Su coleccion “Liberada” lo papia pa su mes.

Fausta Luna, confeccionista di joyas, artista y un fiel colaborado desde inicio di Art Fashion cu su coleccionnan a biaha recientemente pa Mexico y despues di un basta tempo a regresa cu su coleccion cu lo ta yamativo, colorido y special treciendo su expresion di Liberacion. “Colors of my Heart” un coleccion sumamente yamativo. Fausta semper ta inclui su famia, cu ta den gran mayoria, artista, bailarina y modelonan, den su presentacion.

Colombia Sena, E coleccion ganado di Colombia Moda.

Gigliola Arends, Gigliol Designs, lo trece su coleccion cu e la luci na Colombia durante Colombia Moda, “The warmth of Paradise” na unda e ta mustra a traves di su coleccion su historia. E di 5 generacion di su antepasadonan cu tabata esclavo aki na Aruba. Y tur tabata confeccionista. Algo sumamente bunita.

David Paulus, Curacao y The Netherlands, David tin un largo trayectoria den e mundo di Fashion y ta reconoci na Hulanda pa su inmenso talento. No solamente lo trece e coleccion nobo yama”My Roots” pero lo tin e acabado total den sapato y acesorio.

Life performance pa Kriss Kross, Susjaira Kerpens cu lo uni cu Adriana Cereste den e presentacion di “Pueblo Lanta” di Ezaline Calister.

Clay & Clayten, Curacao conoci como SWAY, lo impacta cu un show extraordinario titula Timeless, cu ta un show live sin igual.

Vanessa Paulina, Aruba, Artista, pintura, declamado, escritora di bukinan, Ilustrado, lo participa pa prome bes riba un pasarela contando su storia di Virgina the Rebel. Un ilustracion riba su mes a traves di moda.

Show espectacular di Jhon Freddy Montoya na su manera interpretando “liberacion.”

Dauvia Nijenhuis, Angola, Africa, Designer y doño di su propio Galeria di Moda, residencia na Hulanda lo papia di su curason den un forma unico “Ubuntu”. Ubuntu lo ilustra e humanidad pa cu otronan. Y lo ilustra “Mi ta loke mi ta, pasobra nos tur ta!”

Jolie Duzon. Sint Maarten, lo trece dilanti Prized Possesions, un forma unico y innovativo di ilustra e posesionnan mas valioso di nos bida.

BLESS HS, Colombia, Un manera diferente di diseña cu tambe ta un di e ganadonan di SENA

Ronchi de Cuba, ta bolbe e scenario y ta cera e show di un manera explosivo, cu un mahestuoso homenahe na lo special den bo bida, cu ta hiba e nomber di “My Queen”.

Dia 6 di September pa 8or San Nicolas ta bisti di gala pa presencia e storia di liberacion treci dilanti pa mas di 10 diseñadornan cu lo conta nan version.

Ya carchinan ta na benta online, na Galeria ArtisA, Dshop y Designs by Ronchi. Bo por yama 6990756 y nos ta deliver. Un Danki special na Renaissance Hotels cu lo ta e Fashion House 2023.

Pa mas informacion bishita www.arubaartfair.com; www.ArtfashionAruba.com of bishita Galeria ArtisA den Promenade. Unchained e diluvio di pensamentonan encuanto liberacion, no perde!